بخصوص غسل المكينه

شوف هذا الموضوع للمبدع شاقح http://montada.haraj.com.sa/1843/طريقتي-المجربه-لغسيل-المكينه-بنفسك-اطرح-رايك/

انا جربتة بنفسي وماشاء الله طلعت وكالة

مشكور بوخا مع العلم البخاخات اللي استخدمتها تزيل الاتربه والزيوت والشحوم نهائيا وهي بخاحات ممخصصه لتنظيف المحرك

حاول تغسل بعد فتره لان الغسيل بديزل يعدم الجلد والاسلاك وشكرا

غط الدينوا بكيس واخسل السيارة بماء بس من حق المغاسل ضغط عالي انا دايماسوي كذا والحمد لله

وعليكم السلام ،،، لا أنصح بغسيل المحرك بالديزل لأنه يتلف الأسلاك والجلد ويغسل الشحم اللي بالكمبرسر ويتلفه عليك، يكتفى بغسيل المحرك القديم بالماء والصابون على منطقة الزيت فقط فقط عند الضرورة. غير كذا أحذر من غسيل المحرك ، يكفيه الهواء فقط سواء كانت السيارة جديدة أم قديمة. بالتوفيق ،،،

نصيحه الديزل أبعد عنه فالمغسله راح تقول وشـ ذ الزين بس أطلع برا وخل يجي ع السياره غبار ولا شيء
وعندي لك نصيحه فيه عند بعض المغاسل غسيل بخار الماطور بـ30 ريال والماطور والبودي بـ80 بس يطلع لك السياره كأنك ملمعها أنا دائما ما أغسل إلا بخار الفراش الي فالصدام الامامي الحمدلله يطلع زي سلام سلام

بعد اظيف على الاخوان بخاخ (اي سي ديلوكو) المخصص للكربريتر تراه مجرب وممتاز قبل الغسيل بالنسبة للشحوم والزيوت ولكن ينبغي استخدامه قبل الغسيل مباشرة ويرش ويترك 10 إلى 20 دقيقة فقط
اما بالنسبة لغسل الماكينة من الداخل بالنسبة للسيارات القديمة انا استخدم الديزل بدل زيت الغسيل حيث انه رخيص الثمن ولكن ينبغي تغيير الفلتر مباشرة بعد تفريغة

يارجال غسلت لاند كروزر وفورد وهايلكس وكابرس كل ابوها ديزل بستم كل شهرين او ثلاثة شهور والحمد لله ماصار شي

, غسل وانشالله مايصير شي

بعدين اللي يقول الديزل يقطع الاسلاك والليات اقوله صحيح بس وقفت على غسلة وحدة ؟؟ وغير كذا مو كفاية شمسنا اللي تطبخ ماتقطع الليات وتيبسها ؟؟

1) انفخ الغبار بالهواء المضغوط
2) امسح الزيوت والخ... بمنديل او قطعة قماش ناشفه
3) بلل قطعة قماش بالماء ثم اعصرها من الماء و امسح داخل الكبوت
4) انفخ بالهواء المضغوط


* غسل المكينه بالماء وهي حاره = لا تستغرب اذا طلع أصوات بالمكينه أو اذا انشعرت المكينه ( السلندرات ورأس المكينه )

* الديزل ينظف .. لكن ينشف ويشقق الجلد والصوف والربلات والسيور والليات .. وتطلع أصوات

* الأجزاء الكهربائيه بالسياره تخرب من الماء .. وممكن يصير إلتماس

اللي مصّر على غسيل المكينه .. وهو يعرف أضراره أكثر من نفعه

ماء وصابون فقط لا غير .. ويغطي دينمو كهرباء السياره وفتحة فلتر الهواء والاشياء الأخرى الحساسه .. ويتأكد ان غطيان الزيوت مغلقه بإحكام ( غطاء زيت المكينه .. غطاء زيت القير .. غطاء زيت الفرامل والكلتش )

ويخلي السياره تبرد تماما قبل يغسلها .. وقفها عند المغسله وخلها تبرد تماماً ..ثم شغلها ودخلها على طول المغسله وطفها قبل تحتمي

بعض المغاسل عندها ماء مضغوط + رغوة صابون

تغسل بالماء .. ثم ترش رغوه الصابون وتخليها شوي ثم تفركها .. وتغسلها بالماء .. ثم تنفخها بالهواء المضغوط وتنشفها من الماء

انتبه تغسل سيارتك بستم لا يصير فيك اللي صار فيني
مثل ما قالوا الاخوان بخاخ وبس
او تمسيح باليد
وعلى مهلك
ولا تقرب للحساسات او الكويلات

كلامكم سليم
لاتنسو تغطية الديلكو والدينمو والكمبروسر

السلام عليكم
طب عندي سؤال
في محلات التلميع الساطع ب ايش يغسلون المكينة وشكرا لكم

غسلها عادي بس نصيحه لايقربها الديزل 
خلها ماء و صابون بس

الديزل والقاز يخرب لك الخراطيش واللليات مع الوقت . مثل ماقالوا الاخوان ماء وصابون والاحسن فيه بخاخ خاص في تنظيف المكينة عند ساكو مرة ممتازة . 

اغسها واغسل امها بالديزل مايسير اي شي بس تاكد من المسامير تنفك خلهم يركبوها