أضف سؤال أو موضوع جديد          

مبرد للدفرنس ....

up 4 down 0
gmcbigblock 620
قبل 7 سنه و 7 شهر



أهلين شباب ×_O 
انا استغرب انهم الى الان محد عرض ولا ركب مبرد للدفرنس، حصلت رابط لشركة تركب مبرد لدفرنس 
السيارات الدرفت والدراق :http://goo.gl/ONQ9oV وفيه كمان شراكات امريكي للسيارات الاستخدم
القاسي (زي أنا ههههههه) ، انا مبهذلني الدفرنس الجمس مغير الكرونه مرتين والحين ع وشك..T_T
بغيت اركب غطاء للدفرنس عليه شرايح يقولون انه يسمح للهواء بتريدها بس ما حصلتها هنا.

انا اشوف انها قطعة مهم هنا بس متوهق في تركيبها عادي اشتريها من النت بس المشكلة في تركيبها 
مو اي احد يعرف يسويها. وش رايكم اجازف واصير اول واحد يسويها
هنا ولا تعوذ من ابليس و أغير زي الناس؟!؟!؟!

الصورة الاخيرة اهداء لكم ... 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المشكله الدفرنس لازم له مضخة زيت تضخه للمبرد لكن ما أدري المضخه راح تكون كهربائيه أو ميكانيكيه

وغريبه الدفرنس يسخن بحكم بعده عن المحرك إلا إذا كان حاله خاصه مثل الدرفته والسباقات 


up 3 down 0
مورسدس24 3640
قبل 7 سنه و 7 شهر



موضوع جميل وفكرته ممتازه بس الي اشوفه انه ينفع للسيارات المرتفعه مثل الجمسات والجيوب .

اما المواتر الصغيرة قا أتوقع مع أول مطب بيروح المبرد ومعاه الكرونه بعد هههه .

عجبتني فكرته وتستاهل أحلى لايك .


up 1 down 1
مستر بن . 10377
قبل 7 سنه و 7 شهر



التركيب ما هو صعب

أنت في أي مدينة؟ إذا في الشرقية أنا اقول لك فين تروح


up 2 down 0
أبو عبادة 4852
قبل 7 سنه و 7 شهر



هلا أخوي أبو عبادة.... انا من عاصمة الزحمة هههههه الرياض بس عادي نروح للشرقية منها نشوف كم فلم ونركب المبرد
ممكن تعلمي وين لاهنت بس خاف يلزخوني بسعر خرافي ... ومشكورين ع مروكم ولكم +1



up 1 down 0
gmcbigblock 620
قبل 7 سنه و 7 شهر



انا سيارتي انفينيتي لها رديتر للدفرنس يجي بين الكفر الخلفي والصدام وقبلها كان معي مرسيدس 560 نفس الشي 


up 0 down 0
al_hayek2001 175
قبل 7 سنه و 7 شهر



ما يسخن الدفرنس الا بسبب نوع الزيت

عندك الزيت اللي يجي مع السياره من بلادها عليه مادة سيلكون مايسخن كثير

غير نوع زيت الدفرنس عندك وحط معها ثلاث دعسات شحم


up 1 down 0
ابو راكان تبوك 956
قبل 7 سنه و 7 شهر



من الافضل ان تحر على تركيب مبرد لزيت القير افضل من الدفرنس ,,, كون القير يحتوي على كلتشات تتاثر بالحراره ويحتوي على حساسات واسلاك يخاف عليها من الحراره ,,, اما الدفرنس فاليوجد سوا تروس ولايوجد تاثير قوي عليها من الحراره الا في حالات استثنائيه وهذي البوغاتي بون مبرد دفرنس رغم قوتها


up 0 down 0
عظيوي
قبل 7 سنه و 7 شهر



مشكلتك يا غالي ماهي من الحراره… مشكلتك من الوزن


تركيب الكارونه دقيق جدا ويحتاج شخص محترف… 


up 0 down 0
asalami 2180
قبل 7 سنه و 7 شهر