أضف سؤال أو موضوع جديد          

سالفة صارت لك وانت مسافر

up 7 down 5
memo alasiri 663
قبل 7 سنه و 7 شهر



السلام عليكم 
كيفكم حبايبي اخليكم مع الموضوع طوالي 

اذكر في شهر 12 كن معنا جمس 2006 وخرب قيره مع الدفرنس وسويناه على عجلة لان الوالد كان مريض في الرياض ومشيت مع اهلي
اليوم الي بعد ماطلع من الورشة ومشينا قبل وادي الدواسر ب 70 كيلو وقبل صلاة العصر وقفنا نصلي واني جيت من وراء الجمس ولقيت الشنطة كله زيت واستغربت
وطالعت تحت السيارة الا والدفرنس يهرب زيت ومشيت به الين وادي الدواسر ورحت اقرب محطة وعبيته وقلت اكيد يمشينا للرياض وتوكلت على الله ومشيت يمكن بعدها ب 320 كيلو
ووقفت اتفقد السيارة من تحت الى والدفرنس يهرب تهريب قوي ومشيت ووقفت عند اقرب بنشري في منطقة مافيها احد نهائيا وقلت عندك زيت دفرنس ؟ قال ايه قلت بكم قال الضغطة ب 3 ريال وضغط الين وصل 75 ريال عاد انا وقتها انجلطت وقلت اكيد انه فاضي وحاسبته ومشيت وكل شوي اوقف اتفقد الين وقفت مره وطفيت السيارة ونزلت اشوف الى ولا فيه شي فاضيه مافيها زيت
ونزلت على اقرب محافظة ونزلت عند مهندس ماشاء الله عليه ساعدني كثير على الساعه 1 في الليل هو يصلح السيارة واهلي معي وانه يفك الكرونه وانه يوريني قال وين اخر مره عبيت زيت دفرني قلت مدري يمكن قبل 200 كيلو قال تراه ضحك عليك عبا لك ديزل مخلوط بمويه المهم قلت برجع له بس مايصلح معي اهلي ويمكن يصير شي ولا شي
وزين انها عدت على خير المهم انه صلح الموتر ب 150 وضبطه وقال باقي على الرياض 300 كيلو وانشاء الله يوصلك لانه باقي تهريب صغير
اول ماوصلت نزلت اهلي ونمنا واليوم الي بعده قمت العصر ونزلته الوكالة وقالو ان فيه شق سبب التهريب وقلت وش الحل قال عندنا حلين ياتشتري دفرنس كامل جديد وقيمته 20 الف 
ولا نرسل مع المندوب المخرطة يلحمونه بالصناعيه ب 1300 ريال قلت خلاص خلهم يلحمونه افضل المهم ومشاني سته شهور الين قبل يومين
واني وديته بترومين يغيرون زيت وقالي الفلبيني تعال قلت خير انشاء الله نزلت معه وانه يوريني الدفرنس يهرب تهريب قوي المهم نزلت الصناعيه
والوكاله كلهم يقولون يبي له دفرنس كامل جديد مع العكوس المهم انا الحين اعرف واحد يقرب لي في الرياض وراح دور لي وهو خبير سيارات ولقي واحد
منزلينه من جمس 2006 لسه جديد ماشي 60 الف وشريته ب 4500 والتركيب 500 ريال نبي نشوف اشياء صارت لكم انتم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عوافي اخوي 
وانا امس نزلت موضوع  ( بناشر الخطوط والمناطق النائيه - بعيدة عن الرقابة) 
واعتقد ان كلامك هذا يدعم موضوعي  ولكن مانقول الا حسبي الله ونعم الوكيل في كل نصاب 


up 6 down 0
سيزو 420
قبل 7 سنه و 7 شهر



الحمدلله على سلامتكم


up 4 down 0
أبولتين555 655
قبل 7 سنه و 7 شهر



صارت معنا سالفة بالسفر العيد اللي فات الاضحى متعودين نروح بالاعياد نسافر لاي مكان طبعا طلعه شبابية افضل المهم كان معنا جيب الوالد باترول 97
المهم اخذناه وشيكنا على كل شئ نظيف من والى الحمدلله المهم وحنا طالعين من جدة رايحين ل جبال فيفا المره ذي ^_^ ولما وصلنا الليث فيه اشارة وقفنا عندها احس الدركسون غريب هزته غريبه المهم تركته ومشيت والا بعد 15 كيلوا الريش حقت المروحة تكسرت ^_^ ياولد وش العلم المهم نرجع لليث بعد ماخرجنا منها والايام عيد مافيه محلات قطع غيار ولقينا سوداني بمحله متشيك وكذا المهم ونكلمه ونحاول فيه منا وللا منا المهم ويصلخنا ب 400 وياليت مروحة جديدة لا مروح حقت سيارة متسوبيشي ولفناها على قاعدة المروحة الاولى ومشت امورها والمروح مشت معنا تقريبا اكثر من 3 شهور عال العال ويوم جاء وقت الصيانة السنوية غيرتها بواحد جديد من الوكالة لكن هذا الموقف اللي صار معي تقريبا اخر واحد ^_^ وللعلم انصح اي واحد يروح جبال فيفا انا اول مره اروح لها بحياتي لكن شئ عجيب احلى من ابها جوها خيالي لكن مشكلتها ضيق الخط وخطورة خطها يبي لها حذر


up 4 down 1
اصــيل 179
قبل 7 سنه و 7 شهر



بس سؤال انت ماتفرق بين ريحة الزيت والديزل؟ او انك اول مرة تسافر وهذا شي متوقع


انا اول مرة سافرت مع واحد من زملائي بنشر علينا كفر وجلسنا 5 ساعات ع طريق ينبع سوينا شاي وفليناها لين ربك فرجها وجا الكفر من المدينه الى قبل ينبع بـ50 كم
وحركنا لينبع بس يبيلها واحد رايق ومايتوتر حنا جلسنا من 2الفجر الى7 الصباح. الموقع كان كله اصوات كلاب ومرعب نوعا ما يعني ماينفع مرة يكون معك عائلة


up 1 down 1
m11013 923
قبل 7 سنه و 7 شهر



مرة طلعنا جن عند ام الجماجم وحنا نايمين المهم دقت سلف وحنا بالحفر واصلين من الخوف ما نعرف كم سرعتنا


up 2 down 0
yeem77 430
قبل 7 سنه و 7 شهر



انا سلمك الله ثلاث مكائن جاوبت معي بنفس السيارة وبنفس الطريق ووالله السيارة كانت وردة كل من شافها تبيع المهم كرهت السيارة وبعتها لواحد يدعي لي 


up 0 down 0
أستشاري الحب 6468
قبل 7 سنه و 7 شهر