استفسار بخصوص الدنالي 2008

والله شوف انا سمعت ان الدينالي كله يجي قيره 6 غيرات

اليوكن العادي موديل 2008 هو اللي يفرق عن 2009 

لان 2007 و 2008 كان قيرها 4 غيرات و 2009 سار 6 غيارات

لكن الدينالي كل موديلاته 6 غيرات

انا من رأي والله لو تاخذ يوكن فل كامل إس إل تي 

أفضل من الدينالي

صح الدينالي كشكل من الخارج افخم ومكينته كبيره

لكن انا مجرب الدينالي واقول ان الفل كامل احسن منه

اولا لانه الدينالي قاسي جدا عكس اليوكن العادي او الفل كامل يجي ناعم

عزل الصوت للدينالي سيء جدا ويقولون هذي ميزه عشان تسمع صوت مكينته و شكمانه وهو فعلا صوت جميل لكن مزعج وتسير تسمع السيارات كانك فاتح الباب على خفيف

من عند الرجول للسايق والراكب حراره شديده من كبر مكينته 

ومن جوا نفس اليوكن الفل كامل بالتمام بس الفرق بالتخشيب

فانا اشوف الفرق ما هو ذاك الزود

لان المكينه صحيح 6200 بس تفصل على 200 !! وش استفدت

ومكينة العادي 5300 وتفصل على 200

وابد ترا فرق العزم بسيط وانت منت حق مقاومات فخذلك عايدي اريح لك بالخط وناعم وعزله ممتاز بالخطوط 

وركب له جنوط وشبك دينالي 

وخلاص سار دينالي من برا !!

وثاني شيء سعرك جدا غالي

سعره ما يتعدا 95 الف ريال واذا كان وكاله ونظيف جدا جدا يوصل 100 الف

وترا سعر اليوكن فل كامل 2009 ب 100 الف و 2008 حدود 90 الف 

انصحك في الفل كامل

ماقصرت يابويزيد000 .

مستخدم دينالي 2007
من سنتين والحمد لله الامور طيبه
ولا شفت شي من اللي مذكور بالأعلى
وأسأل مجرب ولا تسأل طبيب

عيب تكذب الناس يا الغالي وانا ما اتكلم من راسي

بعدين الدينالي 2007 جنوطه تجي 18 صح ولا لا !!

و2007 يعني قد انكرف وسار لين شوي

بالله ماتحسه عاد ثقيل معك لان مكينته كبيره ومرهقه جدا جدا لانها متعوده على السرعات العاليه وهي تفصل على 200

وهذا موضوعي في عضويتي الاصليه وللعلم سيارتي كانت ماشيه 15 الف ميل يعني وكاله ومشيت فيها الى 70 الف ميل في سنه

ما اقول انه سيء بالعكس والله ممتاز لكن عندي اليوكن الفل كامل افضل منه

http://gmc.montada.haraj.com.sa/24820

هذا موضوعي تقدر تتاكد بنفسك

السلام عليكم
كلام العضو (( ابو يزيد )) صحييييح ١٠٠٪ عن تجربه بكل تفاصيله اللي ذكرها

استخير رب العالمين وربك يوفقك

تقصد الدينالي الي داخليته لونها اسود ومعروض في الموقع ؟

اذا ايه اشوف انه يستاهل نظيييف بس افحصه قبل افضل 

بالنسبة لتجربتي مع الدينالي كانت اريح سيارة عندي الدركسون ريشة عزمها يعجبك 

عند الدينالي الكامل ( الملكي )

شاشة ، دعاسات كهرب ، المراتب بالنص مفصولة