سؤال .. هل المتبعث يقدر يدخل سيارة قديمة؟؟

وعليكم سلام والله يسهل لاخوك
عندي طريق بس تأكد منها

تجيب اللكزز للامارات وتنقلها باسمك باللوحات الاماراتيه ...عن طريق بطاقه سكنيه الاماراتيه وبكذا تدخل السعوديه بس ماتبيعها إلا بالأمارات

اللي اعرفه الموديل القديم ماتقدر تطلع له لوحات سعوديه .. اقصد لك
2006 مستحيل تطلع له لوحات سعوديه ..
2010 ممكن تطلع لوحات سعوديه ..

اتمنى افدتك ..

خويي جايب سيارتين 2002 و 2011 من الامارات .. واللوحات اماراتيه .. عادي ماتفرق معاك غير اللوحه .. الا بتجيبها السعودية وبتبيعها يبي لك لوحات سعوديه ..

من بعد 2008 تقدر تجمركه

يااخوي مره قريت إن المبتعث له صلاحية يدخل سيارة وحدة حتى لو موديلها قديم (بس مأني متأكد انت تأكد من مصدر مؤكد)الدعوة كلها تأكيد هههههه بس هذا من حرصي على مصلحتك

لااحد ينخم يشتري سياره من الامارات او الكويت لان المرور منع السيارات الي تدخل بالبطاقه السكنيه وخاطب كل من الدول الامارات والكويت بمنع البطاقه السكنيه للسعوديين بشروط اصعب من السابق يعني المرور مومكفيه ساهر ومايبي سيارت تدخل بلوح خليجيه عشان ماتنزل المخالفات عليها يعني وراك وراك المرور

الشي الاخر الاهم انتبهو من الشريطيه الي يبيعون سيارات خليجيه ويقوللك اطلع للك بطاقه سكنيه يقوللك انا اجيبها للك وتدفع له مقدم ويعطيك السياره وتبتلش بعدين في اثبات ملكيتها

أخوي .. رحيمي كان في أمريكا وقالي ان المبتعث الي يخلص ويرجع السعوديه على خير يحق له يدخل موتره المستخدم في الخارج

يعني يكون الموتر باسم اخوك في أمريكا فترة من الزمن وبعدها اذا جا راجع السعوديه يشحنها من هناك للسعوديه قبل يسافر وبعدين

اذا وصلت الميناء بيسمحون له بدخولها واصدار لها لوحات سعوديه لأن ما في احد بيجبرك تبيع حلالك في الخارج

ومو شرط الموديل ... الافضل تتصل على مصلحة الجمارك وتسأل بنفسك قبل تشتري أي موتر.. ورقمهم (011/4013334 )

اتصل عليهم وخذ الخبر من عندهم (( قوله ان أخوي مبتعث وخلص دراسه وراجع ويملك سيارة موديل 2006 هل يسمح بدخولها

للسعوديه وأصدار لوحات واسمارة ))؟؟ وشف وش رد الموظف ... بالتوفيق .

الله يسلمكم واحد واحد وخاصتا مستر بن .... ولايك لكم 

رد لنا وش يصير معك

ابشركم شباب طلع الطالب يقدر يدخل سيارته بس يعني سيارة واحده بس "حسافة راحت علي الكزس" شاء الله وما قدر فعل
يقول ان الطالب اذا خلص بعثته يشحنها مع اغراضة في كنتينر وعند الميناء يعبي النموذج الافراغ ويحدد انه مبتعث لانه 
يتم استثناءه من القرار بس حق له سيارة واحده فقط .... ومشكورين ياشباب ع ردودكم