ماهي افضل طريقة لبيع السيارة عااااجل

اذا قديمه قبل ال 2000 بيعها عالمكرفون اما اذا بعد ال 2000 اعرضها عالنت و عالمعارض تجيب اكثر من المكرفون

طيب هل السيارة الي تنباع على الميكرفون يجربها المشتري او لا

سمعت انه مايجرب السيارة

انا بعت فكتوريا 98 وكل من جاني يدخل السياره ويحطها في الريوس ويقول القير مخبط على كيفهم الشغله
نصيحه حطها بصاله وحطها في موقع حراج واللي يجيك من الصاله ولا الحراج  

مالك غير مكرفون لان بموقع حراج ولا النت بغثوك نادر ما تلقى الصامل ويلي بيشتري بيفحص ويعذرب بموترك لو تعطيه سعر مغري وتطرح له من السعر بيجيك وبقولك نزل بعد
وفي المعارض كل شوي بيجيك واحد يسألك كم سيمت وكم حدك وكم وكم وبعدين يعطيك مقفاه
يارجال نزلها مكرفون لا فحص ولا غثا وخلها تنباع بخساره الف ولا الفين ولا المرمطه 

اذا فيها مشاكل لا تخبيها عن المشتري وخلك صريح نقص الف او الفين بس الله يطرح لك البركة 

مشكورين على المعلومات

للي عنده تجربة فالبيع على الميكرفون يقول تجربته

نصيحة ابعد عن الشريطية

سلعتي يا بو شرط ماهي للبيع
دونك الباب الله يزيد مالك
انت ماتعزز سيارتي بأي بتشجيع
تكفى خلك اليوم في حالك
اكفني شرك نوي اليوم ابيع
وان ما كفّيت لا ربح الله فالك
دور على غيري ساقك ما تضيع
الخير حاول تجيه ان ما هو جالك
كسرت سوق المستعمل والرجيع
حتى الشرايح ادخلت فيها شمالك
وان نويت الخير لبضاعتي ذيع
يسهل الله لك ويكثر امثالك
وان مانويت تبعد ولشوري تطيع
لا بارك الله فيك ومستراح بالك

تحت المكرفون معناها انت تشتري سيارة كومة حديد ولو المكينة مخبطة وتمت البيعة لايلحقك شيء .
لأن المكرفون لايحق لك الفحص بمركز ((متخصص)) فقط تشتري تحت نظرك وتعتمد على خبرة المشتري ممكن يكون معه جهاز البدي والدوس على المكينه
وآثار تهريب الزيوت . وعادة تكون اسعارهذه السيارات زهيده ويحدث فيها الكثير من الغش 
أنت اخبر بسيارتك اذا كانت نظيفة أو متوسطة أو مشى الحال تحت الميكرفون .
والاهم لو سام شخص موترك وعجبتك السومة تقول عطني عربونك ولا يحق له المطالبة بالمبلغ مالم يكن هناك اتفاق بين الطرفين