مشكلة في القير. عرفت ألمشكله

أخوي ابريح بالك .. هذة الكلتشات وتبي تعرف .. ارفع معيار زيت القير وبتحصل الزيت أحمر على سواد بسبب ان الكلتشات انحرقت

عسا الله يحلها لك على خير .

طيب اذا حطيته في N  وش يصير ؟؟؟ اذا كان يمشي معك كأنك حاطه بالاول انصحك تروح مكان فاضي 
وتمشي ع الـN الين يطق معك وانشاء الله يرجع القير زي الطبيعي ... اعرف ان كلامي غريب بس والله صار عندي في 
القديم 84 صالون وكان ما يعشق الريوس والـ N يصير كأنك تمشي ع الاول من القهر بعد ما قالوا لازم يتوضب 
مشيت عليها ابي اعدمه قبل ما اصلحه وسبحان الله طق معي ورجع زي اول (يعشق الريوس)... عن تجربه

يا اخوي هذي الكلتشات ولازم توضيب القير
لان الكلتشات داخل حافظه تسمي درام وما تقدر 
اطلع الكلتشات الا تفك هذا الدرام ولو تفك الدرام لازم
تفكك نص القير يعني بالعربي توضيب للقير
واتمني أني وصلت المعلومه
تحياتي 

في الغالب ترس الريوس

و يحتاج فك الجير

و تغيير

اذا حصلت لك واحد يغير الترس هذا بس

فممتاز

بس اخاف فك الجير يحتاج فك كل القطع و بالتالي توضيب كامل فتأكد

الله يعينك

يأخوان تتوقعون بكم االتوضيب  وأيش سبب خراب الكلتشات 

أخوي ممكن التوظيب يكلف 2200 ريال وتحت فا ممكن تحصل في التشاليح وأسعارها من 1500 وتحت .

لاتستعجل أسأل وبعدين قرر .

يا اخوي مخاوي القايله ما فيه شي اسمه بدل مسنن بالقير 
الاتوماتيك تفك اي شي من بعد طرمبة زيت القير ما يرجع الا بطقم افرهول كامل 
وانا عارف شنو خراب السياره لان راعيها من زمان ما بدل زيت القير مع الفلتر 
واحترقت الكلتشات مو المسنن تبديل المسنن هذا بالقير العادي اما الاتوماتيك تفك فيه
اي شي بعد الطرمبه لازم طقم افرهول والكلتشات مكانها صعب حيل لو انقول شكل
القير نفس الهرم الكلتشات براس الهرم يعني لو نرقمها او نرتبها تطلع كذا 
١-الطنجره او البطيخه
٢- طرمبة الزيت 
٣- حزام البريك للقير( طبعا اسمها كذا )
٤- مسننات التبديلات
٥- كلتشات القير
وكل هذي ما تنفك الا بطقم افرهول كامل يعني بالعربي ( توضيب ) 

اما تبديل المسننات هذا بالقير العادي بس تبدل مسنن او نحاسه او امايه وما يحتاج 
من وراه معجون سيلكون كافي 
عرفت وش الفرق 
اتمني وصلت المعلومه 
تحياتي

وصلت يا اخ

foxzx

انا قد حصلت لي نفس المشكلة

فقال لي واحد نفس كلامك

فقلت يمكن نصاب يبغاني اصلح عندة

انا غيرت الجير بكبرة من التشليح

اوفر و ما قد انفك

انا موضب قير جمسنا 1989 الاسبوع الاي راح ب١٨٠٠ريال
وسبب التوضيب ،،، القير جيم لا قدام ولا ورى وصاحب الورشه
يقول كم لك ماغيرت زيت القير؟؟؟ 
ناسي متى غيرته قدله سنييين. 

1987*                   

صادق وانا اخوك يا مخاوي القايله بس انا افضل القير 
اوضبه لان ما اعرف للقير اللي من التشليح يمكن أبدل زيته
والفلتر ويخبط معي وما ادري راعيه هو مبدل الزيت والفلتر 
خوفك انك تستعمله سنه ويصير ما فيه مثل ما صار بقير سيارتك 
وانا افضل اوضب القير اللي عندي اشوفه اذا جرمه من داخل 
مو مكسور اوضبه واوضبه ضغط عالي علشان يستحمل اركب له
ترانز قو وخريطه وطنجره سبورت وبكذا يكون قوي ويستحمل معك 
ويعيش ٥ سنين قدام وخذ منه قوه وعزم للموتر .
وشكرا علي الاضافه والتوضيح 
تحياتي

صارت عندي في بيوك نفس القير ٧٠٠ وغيرته

الله يعينك

صارت معي نفس المشكلة على قير ٧٠٠ حق كابرس نفسه حق الجمس.     لفيت الورش كامله  كلهم قالو توضيب وآخر شئ بعد فك الجربوكس تبين ان الكلتشات كلها محروقة 

طبعا فيه جربوكسات  يجبونها من امريكيا على كلامهم أسعارها على ١٢٠٠ و ١٣٠٠ بالتقريب ولهم محلات خاصه للجربوكسات وعندك خيار افضل الي هو التوضيب وأسعاره على ١٨٠٠ مع القطع ومع شغل اليد وأنا وضبته والله يسهل لك

السلام عليكم طلع كلام اخوي FOXZX صحيح ومريت أكثر من محل وقالولي الكلتشات ولازم يتوضب القير سعر التوضيب 1300 وعليه ضمان شهر ورحت لقطع الغيار قالولي سعر القير الجديد طبعا مافي جديد كله مجدد 1550 بعد الخصم ؤعليه ضمان 6 شهور والتركيب 300 والسبب في خراب القير أني مهمل فيه واخر مره عبيته زيت قبل 3 سنين تقريبا وانا أنصحكم أنكم تواضبون على زيت القير ومشكورين وماقصرتوا 

٨٨٨٨٨٨٨٨٨٨٨
يا اخوي انا متأكد من كلامي يا محمد ونصيحه وضب
ب١٣٠٠ وحاول تزيد الكفاله لو اسبوعين اضافيات ما تضر 
وربي يوفقك 

يا الحربي قير يجيبونها من امريكا وعلي سعر ١٢٠٠ و١٣٠٠ ريال
انا اقولك اللي قالك هالكلام يكذب عليك وانا اخوك ولا تصدقه وانا مو مكذبك 
انا اكذب اللي قالك لان القير والماكينه سعرها بالشحن غالي لانها وزن كبير ولو فرضنا
ياجر كونتينر انت شف القير كم سعره وكم إيجار الكونتينر وشف الشحن علي الباخرة
والتأمين كلها مكلفه مو معقوله ان قير مستورد بنفس سعر التشليح والاستعمال المحلي 
فكر فيها بالعقل وانا اخوك لو انقول ٢٠٠٠ يمكن ابلعها واقول معقوله وأصدق بس امريكي
وبنفس سعر التشليح اقولك انسي ومستحيل ؟؟؟؟
تحياتي