يا اصحاب الخبرة في السوبربان ..

أهم فرق أن ماكينة الدينالي 6.2 لتر والدبل AWD يعني متصل

الفرق بين LTZ و SLT أن الأول شفر والثاني جمس وعلى ما أعتقد أنهم نفس المواصفات أو الفرق بسيط

اخوي هذي فئات السياره 

الدينالي أفضلها وافخمها واغلها اللي هو اليوكن 

SLT هذا اليوكن واتوقع استاندر أو نص فل يعني حساسات ويمكن تجي فيه كاميرا خلفيه


ال تي زد فل كامل وتجي على التاهو 

و ال تي يجي تاهو نص بدون جلد وفتحه حساسات واتوقع شاشه خلفيه 


اللي يجي ال تي و ال تي زد و ال اس هذي تخص التاهو 

والدينالي و اس ال تي تخص اليوكن 

ويجي طويل وقصير اكس ال والعادي 

وتختلف الاسعار

^^^^

SLT أعلى فئة بعد الدينالي ومرغوب أكثر من الدينالي لأنه فخم وعملي

SLE نص فل

بالنسبة لليوكون يجي 3 فئات
1)- SLE
2)- SLT
3)- DINALI
أما التاهو أيضاً 3 فئات
1)- LS
2)- LT
3)- LTZ


بالنسبة للفروقات فيما بينهم هي بالتفصيل نبدأ باليوكون

SLE محرك 5.3 حساسات خلفية + إشارة في المرأة + مرايا تسفط كهربائياً من كنسولة التحكم في باب السائق + لوحة تشغيل المكيف إلكترونية بشاشة + كاميرا خلفية عند الرجوع للخلف شاشتها في المرآة الداخلية

أما اليوكون SLT محرك 5.3 جلد + فتحة + دي في دي + تحكم في الأسيات كهربائياً مع تدفئة وتسخين في المراتب الأمامية + سفط المراتب الخلفية كهربائياً + الباب الخلفي يفتح ويغلق عن طريق الريموت + جنط مقاس 20" + كاميرا خلفية عند الرجوع للخلف شاشتها في المرآة الداخلية يعني كامل المواصفات
أما اليوكون DINALI
فمحرك أكبر 6.2

لون التخشيب مختلف + نوع جلد المراتب مختلف + شكل الجنط مختلف + شبك + اكسسوارات + الدفع الرباعي المستمر

أما التاهو كالتالي: LS ويعد اقل فئة بدون كشافات بدون حساسات بدون ريموت مقابض الأبواب سوداء.

تاهو LT نفس اليوكون SLE مع فروقات بسيطه وهي: المرايا غير قابلة للثني كهربائياً وإنما يدوياً + الكييف تحكم عادي (فرارات) وليس ألكترونياً + بدون إشارة في المرآة الجانبية + شكل الشبك والأنوار الأمامية والخلفية مختلف تحكم التكييف الخلفي منفصل بكنسولة خلفية
والتاهو LTZ نفس اليوكون SLT مع فروقات في الديكورات



والشكل الخارجي




وباقي طبق الأصل بين التاهو واليوكون بالنسبة للتحمل

واللي يقول فيه فرق يطلع لي يوضح لي الفروقات

وتقبل مروري واحترامي

تسلمو يالغالين استفدت كثير جزاكم الله خير ..
طيب هل المواصفات المذكوره هذه تنطبق على السوبربان
سواءً الشفر أو الجمس ؟

^^^^

نفس الشيء في المواصفات التاهو والسوبربان واليوكون والسوبربان

السلام عليكم اخواني عندي تاهو LT وارد امريكا وبدون حساسات اقدر اركب اخليه بحساسات ولا شغله طويله

السلام عليكم
صباح الخير
عندي سؤال يا شباب يا اخوان عندي استفرادو موديل 2004 خيط طرمبه البنزين والصفايه والبواجي السياره اللي خليتها مثلا اكثر من عشر ساعات جيت اشغلها ما تشتغل او يومين ثلاث ايام ما تشتغل واخذ فتره طويله تشتغل مكينه 6 سلندر احد عنده فكره ولا شيء يعطوني خبر

السلام عليكم
صباح الخير
عندي سؤال يا شباب يا اخوان عندي اسلفرادو موديل 2004 غيرات طرمبه البنزين والصفايه والبواجي السياره اللي خليتها مثلا اكثر من عشر ساعات جيت اشغلها ما تشتغل او يومين ثلاث ايام ما تشتغل واخذ فتره طويله تشتغل مكينه 6 سلندر احد عنده فكره ولا شيء يعطوني خبر