أضف سؤال أو موضوع جديد          

ما الحل ياجماعة الخير

up 0 down 0
أبو تمام 1 247
قبل 7 سنه



السلام عليكم ورحمة الله وبركاته


عندي مشكلة في جمس يوكون موديل 1999 في البداية قبل ما أبدأ في طرح المشكلة بأوضح شغلتين الأولى إن السيارة المذكورة بدون دبل


والثانية إن الموديل هذا بالذات جاء سسته من ورا ومساعد والكل يعرف الشيء هذا
طيب نبدأ الآن في طرح المشكلة

انا طبعاً شاري السيارة من ابن حلال وجزاه الله خير كان صادق معي في كل شيء والله يشهد على كلامي
وفحصت السيارة كمبيوتر وقالي المهندس إن المساعد الخلفي يبي تغيير توكلت على الله وشريت السيارة واعطيت الرجال فلوسه وصرت لما أمشي في السيارة طبيعية وسلسة على الطريق إلا عند المطبات الله يعيني يبي لي حبال اتربط فيها لأن السيارة لما آكل المطب كأنها تطيح على حديد مافي شيء يمسكها وفيه دقه في الجهة الخلفية اليسرى

رحت فكيت المساعد الخلفي الأيسر والله السيارة تغيرت 180 درجة قلت أجل المشكلة من المساعد ورحت شريت واحد جديد يوم جيت اركبه قلت خلني اشيك على القديم طلع سليم مافيه شيء قالوا يمكن المساعد طويل عشان كذا يدق ومو ماخذ راحته وقالوا ... وقالوا ... وقالوا ....... إلخ

وانا احترت مع العلم إن السيارة فيه انخفاض بسيط من الجهة الخلفية اليسرى بمقدار 2 سم بين الكفر والرفرف اللي عنده حل لمشكلتي يفزعلي بالحل واكون له من الشاكرين

وآسف على الإطالة












إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم ورحمة الله

طيب أخوي أنا عندي لك سؤال : المساعد اللي شريته .. ركبته وإلا .. لا ؟ وهل تغير معك الموتر أو بقى مثل ماهو

وإذا ماركبته جرب وركبه يمكن فيه مشكله خفيه بداخل المساعد القديم ( خاصة" إن - السباكين - يجربونه بيديهم

ونسوا إن وزن المركبه أقوى بمئات المرات من ( الضغط اليدوي ) اللي يختبرون فيه سلامة المساعد

أما إذا كان الوضع بعد تركيب المساعد الجديد مثل أول ف شيك على قواعد المساعد ( فوق + تحت )

ممكن يكون فيها كسر وهذا سبب ظهور الصوت وشيك معاك على ( الياي ) قد يكون مكسور أيضا"

تحياتي


up 1 down 0
الوجيه 444 717
قبل 7 سنه



شكرا أخوي الوجيه على المشورة ويعطيك العافية بس أنا بدلت المساعدات يمين حطيته يسار ونفس المشكلة جهة يسار

وللعلم السيارة سسته بدون ياي

بس مايمنع نشيك على قواعد المساعد يجوز تطلع صحيحه

جزاك الله خير


up 0 down 0
أبو تمام 1 247
قبل 7 سنه



أقصد يجوز تطلع مكسورة وقولك صحيح **



up 0 down 0
أبو تمام 1 247
قبل 7 سنه



رحت أمس عند ورشة الأحساء في خضرية الدمام -تخصص سست- قالي لازم تنفك السستة وتتقمن على كلامه مدري هل هذا الكلام صحيح والا غلط وتكلف 250 ريال هل سعره معقول والا غالي ؟؟


up 0 down 0
أبو تمام 1 247
قبل 6 سنه و 11 شهر



تم حل المشكلة أمس وزودت ريشة للسسته من الجهتين وانحلت المشكلة وصارت السيارة خفة في الأداء وراحة أثناء المطبات

اشكر كل من شارك في موضوعي ولو بشيء بسيط


up 0 down 0
أبو تمام 1 247
قبل 6 سنه و 11 شهر