أضف سؤال أو موضوع جديد          

ياخوان ارجو الدخول ضروري .. انطلق السير علي

up 2 down 0
camry grandi 99 7274
قبل 7 سنه و 5 شهر



السلام عليكم ورحمة الله

كيف حالكم شباب 

ياخوان انا اليوم طلعت مشوار وانا راجع للبيت انطلق علي السير وثقل الدركسون ومشيت تقريبا 50 متر او 70 لا اذكر بالتحديد لكن ما دعست بنزين ووقفت وطفيت السياره والحراره ارتفعت شيء بسيط 

ولا عرفت كيف اركبه لانه غثيث شوي 

فما ادري هل يؤثر على السياره او لا لان بصراحه خفت ع الموتر وللامانه السير ما التف على البكرات وكذا مجرد انه انفك بس وطفيت ع طول والحراره ارتفعت شوي 

فهل يضره او لا 

اتمنى الرد

الموديل 1993 سوبربان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لا ماياثر  بس اذا مشيت عليها  كثير ياثر عليها خصوصن لوكان سير واحد   ويضرب عندك راس مكينه لو مشيت عليها كثير 


up 1 down 0
سكودر 14928
قبل 7 سنه و 5 شهر



ما مشيت عليها كثير مجرد تقريبا 15 متر او اقل فهل يؤثر او لا

انا سمعت انك تطول عليه مسافه طويله يعني اقل شيء 200 متر 

بصراحه الموتر للبيت وانا محافظ عليه واخاف عليه من الهواء بصراحه ولا ابيه يتأثر


up 1 down 0
camry grandi 99 7274
قبل 7 سنه و 5 شهر



اتوقع انه جلس يشتغل اقل من 15 ثانيه 


up 2 down 0
camry grandi 99 7274
قبل 7 سنه و 5 شهر



يارجال قل الحمدلله بسيطه افحص السيور اذا تمام ركب السير وتوكل على الله


up 0 down 1
نوار الوذيناني 510
قبل 7 سنه و 5 شهر



خروج السير من مكانه او انقطاعه وخصوصا اذا هو سير واجد للمكينة راح يثقل عندك الدركسون ورح يوقف عندك كمبرسر المكيف ورح يوقف الدينمو الي يشحن البطارية وراح ترتفع حرارة المكينة وهذا اخطر شي.
اذا انقطع السير وقف السيارة في موقف امن واذا انت مظطر تمشي عليها عط عينك على مؤشر الحرارة ولا تعدى 30 كم في الساعة واذا بدت ترتفع الحرارة عن معدلها الطبيعي طف السيارة على طول وخصوصا في الحر اما في الليل اضافة الى ماذكر لاحظ الانوار لأن راح تظعف عندك البطارية ولو طفت السيارة ماراح تشتغل الا باشتراك خصوصا القير التماتيك.



up 1 down 0
iadnuyh 842
قبل 7 سنه و 5 شهر



تصحيح الخطأ المطبعي (

سير واحد)


up 0 down 0
iadnuyh 842
قبل 7 سنه و 5 شهر



اخوي نوار التمس العذر منك لاني قد قيمتك قبل مرتين ولما جيت اقيمك رفض وعطيتك ديس لايك وجيت بعدلها ورفض 

والله ان شاء الله انها تكون بسيطه والسير والله جديد ومابه شيء بس مدري وش اخلفه

انا اللي مخوفني هل الموتر تأثر او لا وبصراحه بنتظر لين الصباح بجيب واحد اعرفه ميكانيكي وبخليه يركبه لان وقت طفية الموتر مطر وغرقه ولا عرفت اركبه 

اخوي iadnuyh كلامك صحيح وهذا صار معي 

بس اللي ابي اعرفه هل يؤثر ع السياره او لا لان الموتر حق البيت وخايف انه يخرب وابلش ههههههه واكثر خوفني سالفة الحراره لكن ان شاء الله انها ما ارتفعت كثير وللعلم ترا ما دعست السياره من انفك السير ومشى تقريبا كما ذكرت فوق 70 متر فقط وطفيته ولو ارتفعت قليلا تقريبا ثلاثة ارباع هل يؤثر 


up 1 down 0
camry grandi 99 7274
قبل 7 سنه و 5 شهر



لا يا غالي دامك مشيت عليه شوي ماعليه خوف أن شاء الله ، أنت جب ميكانيكي فاهم ويخله يضبطه لك ،


up 1 down 0
hmada1213 2018
قبل 7 سنه و 5 شهر



ههههه يابو نواف ملاحظك عندك إهتمام وخوف زايد على السيارات وهذا إنشاء الله

لصالحك الله يوفقك ويستر عليك شوف يالغالي إنشاء الله الموتر ماتأثر من الحراره

لأن المسافه قصيره  وعلى ما أعتقد إن سير الدركسون يجي لحاله في السيارات الأمريكيه

وتركيبه سهل تنزل الشداد بالضغط عليه لأسفل بدون فك ويرتخي معك

وتركب السير بسهوله أنا مركب سير  هايلوكس 9 يجي واحد ومايحتاج تفك ولا مسمار

ومكينة الجمس أضن فيها شبه من مكينه الكابرس الصابونه تحتاج إلا

مفتاح مربع مثل اللي يجي بالحبه التوماتيك وتركبه مع الشداد ويرخيه بدون فكه

ههههههه الله يعينك على طول الرد والفلسفه موفق حبيبنا أبو نواف 


up 1 down 0
ابــو ســنــد 10639
قبل 7 سنه و 5 شهر



الحمدلله على السلامه 

واخر المصايب ياخوك 

والله ماعندي علم عن السير بس عساك موقف الموتر بمكان زين وفيه ناس انتبه توقفه في حواري مهب زينه 

والله يعوضك 

وعليك بالسير الاصلي خاصة السيارات القديمه 


up 1 down 0
راكان-505 7169
قبل 7 سنه و 5 شهر



مايضر ان شاء الله اهم شي لا تمشي على السياره الا بعد تركيبه

السير هو الي يحرك طرمبة المويه ويوم طلع وقفت الطرمبه وارتفعت الحراره شوي ولو استمريت بالمشي

لزادت الحراره للاخير وتعطلت المكينه .




up 1 down 0
abdullah.ags 395
قبل 7 سنه و 5 شهر



هلا حبيبنا ابو سند واسف لعدم الرد لانشغالي اليوم بالكامل وبصراحه توني اقدر ادخل واجاوبكم 

وفعلا انا حريص بزياده ههههههههههههه لو اي شيء يخرب في السياره ما يجيني نوم الا لما اصلحه 

والحمد لله صار الشداد هو اللي خرب بس وغيرته وركبت السير وما شفت اي ملاحظات ع الموتر 

ومشكور جدا جدا ع الرد يالغالي ولا هنت 

اخوي حماده ما قصرت يالغالي وكلامك في محله جبت لي ميكانيكي وضبطه لي ولله الحمد 
مشكور ع الرد يالغالي 

اخوي راكان هلا بك والله والحمد لله عدت ع خير بغيت اجيب العيد يرجال هههههههههه وصار الخراب من الشداد وليس السير 
ومشكور ع الرد الجميل والله يسمع منك يارب 

اخوي عبد الله مشكور ع الرد يا جميل ولا هنت وفعلا كلامك صحيح لا عدمناك يالغالي 

بالتوفيق يارب


up 0 down 0
camry grandi 99 7274
قبل 7 سنه و 5 شهر