وش الفرق بين المكينه 454 و مكينة 350

أخوي ماكينة 454 معروفه انها جبارة في عزمها وقويه .. صحيح تشرب بنزين لاكن شي يستاهل .

أما 350 اقل عزم وصرفيه بنزين اقل وقطعها متوفرة في كل مكان مثل محركات الكابريس 90 بالظبط .. استخير الله .

الفرق في العزم بين 454 و350 مايلاحظ اﻻ إذا توفرت له الوسائل اﻻ هي دفرنس مقاس مناسب وقير مقاس مناسب هنا تقول انه فرق على العموم يا الغالي اذا الموتر محركاته طيبة  تقدر تركبله مراوح كهرب ترهيم ويصير  زي اللوز

على البركة مقدما
ماراح ازيد على كلام الحبايب كفو ووفو ماشاء الله

اول ما تشتريه ان شاء الله شيك على اللديتر الافضل 4 صفوف طبة كبيرة الومنيوم
ومروحة المكينة شيك عليها كم ريشة
اذا 5 غيرها ب 7 ريش افضل في الهواء وفي انواع 9 ريش بس بصعوبة تلاقيها
وبلف الحرارة لمقاس 80 درجة حتى ماتسخن الموية كثير وترتفع الحرارة
اول ماتوصل الحرارة ل 80 يفتح البلف وتخش موية باردة

وعلى البركة مقدما

اشكركم جميعا وبيض الله وجيهكم والله يبارك فيكم جيعا

اذا حصل ولقيت 350 فهو افضل فعلا من تجربه

حراره احسن

صرفيه احسن

قله خرابات احسن

بالنسبه للعزم ترى مو هذا الزود وانا مجربهم كلهم لو تبي يصفط طبلونه

وفي النهايه موتر عوائل مو سباق

افضل الجمسات من موديل ٢٠٠٠ الى ٢٠٠٦ وبلا منازع.. وسأفرد لها موضوع بإذن الله عن تجربتي فيها،، ولقد جربت ٢٠٠١ و٢٠٠٤ و٢٠٠٨ ورأيي الشخصي
أن القديم أحسن.
بالنسبه للمكاين فهي أولا ٣٠٥ اللي تجي على الكابرس من تقريبا موديل ٨٦ وحتى ٩٦
ما عدا الss طبعا ولكن طبعا جيربوكس مختلف ودفرنس مختلف. وهذا المعروف في السوق
 بالرقم ١٥٠٠ ويجي دائما ٦ مسمار.
وهذا في الشركة مصمم لحمولة نصف طن

 ٣٥٠ وهذه مكينه اكبر وأقوى ودفرنس احسن  وبالطبع صرفيه زياده شوي وهذا يجي ٨ مسمار  وهذا معروف في السوق بمقاس ٢٥٠٠

وهذا مصمم لحمولة ٣/٤ طن ءء
ثم يأتي ال٤٥٤ وهي قويه نعم ومصصمه لحمولة طن ، وهذه يكون مكتوب عليها من الخلف ٨١٠٠ وهي ايضا ٨ مسمار

وتأتي فئة الدينالي بمكينه ٣٥٠ ولكن ٦ مسمار ،، بشكل عام الجمس او الشفر امريكي او سعودي ما تفرق المهم نظافة السيارة
هذه الانواع النظيف منها الى الان مطلوب ومرغوب لانه صدامات حديد وراسيه وقويه في ديكوراتها


وفقك الله 

454 اقوى وافضل في القومة والعزم وفي التحميل !لكن صرفية بنزين +حرارة في المحرك عاليه شوي خصوصا انه الكثير من الناس يفصل المبرد حق زيت المكينة اللي يجي من السيفون حق الزيت!





لكن ال350 مو بطال ادا كان الجير مقاس 400 راح يعطية عزم وسرعة ..عموما الاغلبية تجي مكينة 454 !

454 من رايي افضل 

انا بشتري جمس سوبربان 85 454 وانا دايم امسك خطوط هل بتتعبني من ناحية حرارة القير لانها تماتيك وحرارة المكينة 

Xrmtech كل معلوماتك غلط 
ياخي اذا ماتفهم بالجموس لاتقعد تتفلسف والله شيء يرفع الضغط

من ٢٠٠٠ ل ٢٠٠٦ ماعاد في ل٣٠٥ ولا ٣٥٠ ولا ٤٥٤ 
كلها صارت من مكاين فورتك بمقاساتها المتنوعة ولا عاد تتفلسف

طيب اخوي سؤال مهم هل مكينه الكابرس ال94 هي نفس مكينه لجمس 94 او 93