دايمأ ابدا بالقطع والعمل الرخيص واذا ماظبط شيك على الغالي ..
16
2
إضغط هنا للإخفاء
.
أسعد الله صباحكم ومسائكم بكل خير وسرور .....
صباح الخير او مساء الخير علي الجميع دون استثناء ....
حيا الله الجميع بصحه والعافيه .....
.
مرني واحد من الشباب قبل كم يوم وقالي عندي صووت بالسياره من الخلف ....
.
ركبت معه ورحت اخذت انا وياه لفه ....واسمع صوت ونه .....
قالي هذا اكيد صوت من الكارونه .......
المهم قالي و الدبره قلت له خل السياره بأمر الصناعيه وبسعر الكارونه وعسى خير وارد لك خبر ....
موتره جمس وانيت 2004م قطع عشره 6 مسمار قير عايدي ....
.
طبعا الصوت يطلع لا رفعت رجلي من البنزيم طلع صوت ونه ....
رحت ومريت ورشه قد صحلت عنده حاجه قبل سنتين ....
قلتله شيك لي على الصوت قالي ابطلع معك قلت زحمه شف الموتر وخبرني المهم سألني عن الصووت
وقالي على طول رح جب دفرنس ونركبه لك وغيره مافيه اكيد ميه بالميه ......
.
قلت لا حول ولا قوه الا بالله
طلعت من عنده
ومريت اول تشليح اللي يجييبون سيارات مقطعه استعمال ياباني وامريكي
قلتله ابي دفرنس وهناء جت المفاجأة .....
.
وقفت عند اول واحد تشليح يقاله زهير طبعا سوري ...
قلتله بكم قالي ب 2500 ريال انا انهبلت قلت ليه السعر هذا قالي مع الرجيع وضمان اسبوع بسسسس ...
تبي ولا دحدر ....
قلت ادحدر رحت للي بعده ....
قالي ب 2200 ريال
واللي بعده قالي مجدد ب 2000 ريال
.
جيت قلت لعلى وعسى اني ادق على واحد بتشاليح الحاير ..
دقيت على واحد وانا بالصناعيه قلتله ابي دفرنس كذا وكذا
وش توقعون قالي .....
قالي ..... ب 7500 ريال
قلت ..... ياخي انا مابي الموتر كله ....
انا ابي بس الدفرنس قالي ايه الدفرنس بس ب سبعه ونص وعلى شانك ب 7 بدون تركيب ...
.
المهم انا قلت مو معقوووووووول اللي يصير كذا لعب في البلد بدون رقيب ولا حسيب ...
جيت ورجعت للورشه وقلت لا ابوعبده طبعأ ( يماني ) فك عامود الدفرنس نشيك عليه .....
المهم الرجال فك العامود ماقصر لقى صاموله حقت البنيون او الفلنجه مرتخيه شد عليها ووزنها بطريقته الخاصه ....
.
تتوقعون التكلفه كم ............. 60 ريال فقط
وعطيته 60 ريال ومشيت من عنده والسياره علي كلام زميلي الي يومك لا صوت ولا ونه ولا طقه .....
راااح الصوت مررره
.
والحمد الله 60 ريال ولا 2500 ريال ولا 7000 الاف ولا 2000 ريال .......
.
.
خلاصه الموضوع .....
.
.
دايمأ ابدا بالقطع والعمل الرخيص واذا ماظبط شيك على الغالي ...
ممكن حاجه بسيطه وتكلفك مبالغ كثيره .....
.
.
اتمنى انكم تستفيدون من الموضوع ... ولو بشكل بسيط ....
.
تحياتي واشواقي لكم ........
فاصل ونواصل غدا بمواضيع جديده
.
ابومطلق
.
.
إبلاغ
الردود
واحد عنده الحرارة مجننته راح على الورش كلهم قالوا روس المكينة تحتاج تغيير
وتكلف فوق 1200 ريال
كلمني بعد ما شيكنا على ( الرخيص ) اكتشفنا غطا اللديتر نفس الوجه الداخلي مقطوع ويهرب الموية زي البخار
واشترى غطا جديد ب 50 ريال
الطغى اللي حاصل في الورش لانه مالهم جهة او نقابة مسؤولة عنهم
حتى شيخ الورش لا يهش ولا ينش ولا هو داري عن شي
لنا الله بس
0
0
1
0
0
4
0
0
ننتظر جديد
0
0
مدري وش السوات
0
0
وش الحل ؟ يعني يبو مطلق لو انا بمكانك كان طارت فلوسي وشريت دفرنس من الحرامي ذا ابو 2500 ..وش بيعرفني بالخراب الصدقي اناا بالاساس مصدق الميكانيكي.. ارجع واتفلسف على الميكانيكي واقول فك العامود والا شيك على مسامير العامود..نجهل هالمعلومات حنا
مشكلتنا ما فيه ورشه او فني الا وحرامي قليل الثقه فيهم ونادرين..
مثل سالفه مسامير السيارات (شبك شمعات صدامات بدي ميكانيكا) لو تروح الوكاله قالوا لك المسمار الواحد 22 ريال مسمار مايسوي ب 22 وش دعوه؟
تروح للصناعيه تحصل محلات متخصصه بالجميع انواع المسامير ويبيع لك نفس المسمار ب ريال..صارت معي بجيب شروكي انكسرت مسامير الفلنجه والوكاله لزخون بسعر
#موقع واسم المحل الراجحي او المحيسن ما اذكر للمسامير-صناعيه العويضه-مقابل مسجد العويضه
الف شكر على الموضوع الله يوفقك دايم استفيد من مواضيعك لا يوقف طق طق طق لايوقف
1
0
قبل 10 سنه و 5 شهر