أضف سؤال أو موضوع جديد          

زيارتي للتوكيلات العالمية و تقرير بسيط للسييرا

up 15 down 3



السلام عليكم و رحمة الله و بركاته ,,,

اخواني و حبايبي أسعد الله أوقاتكم بكل خير , اليوم موضوعي عن زيارة وكالة (التوكيلات العالمية) عشان أشوف
السييرا غمارة وحدة , بصراحة ودي أحط بالبيت سيارة تكون للأهل , للتحميل , للي يبي يكشت , إلخ ... و 
خصوصاً إن الشتاء قرًب , و أكيد راح تكون سيارة حلوة لمثل هالأغراض , أنا قبل فترة كان ودي بالهايلكس
غمارة بس ما حبيته , نازل و حوضه صغير جداً مقارنة بالسييرا !!!!!!! و أضف إلى ذلك إنه ما يستاهل
سعره , المهم أنا دوامي قريب من فرع (التوكيلات) فقلت خلني أمر و أشوف بكم عليه المزيون ؟؟؟ و إن
الله يسر جزمنا عليه , و ودي بعد بنصائح المستخدمين حوله لو أمكن , اللحين راح أعرض عليكم تقرير
بالأسعار و المواصفات:

1/ سييرا غمارة ستاندر أسوح شي !!! اللي تجي مرايا سودا و مقابض بيبان سودا بدون دبل بــــــــ 86,000 ريال .


2/ سييرا ستاندر بس مع دبل بــــــــ 96,000 ريال .


3/ سييرا فل كامل z71 مع دبل و 4*4 بـــــــ 108,000 ريال .


و شكراً على حسن الإستماع
 
همسة: هذا بيت قديم قد قاله أحد الشيبان وهو بيت غزلي جميل قبل لا تطلع الجوالات و البرامج الذكية
(سكايب , تويتر , فيس بوك إلخ ...) يقول:

يا زين صوتك لا عبر بين الأسلاك   ...   وشلون لو حطوا مع الصوت صورة ؟؟

عادي ودي أقابل هالشايب عشان أقول له: لا أبشرك حطوا صوت و صورة و اللي تبي بعد هههههههه

محبكم &&& أبو طلال










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت شوف وش يناسبك 

وأكيد السييرا ما عليه غبار ممتاز وقطع متوفره ويكرف وافضل من الهايلكس اكيد


up 3 down 2
فيليكس 205
قبل 6 سنه



ولك
اقوى  لايك 


up 2 down 2
فيليكس 205
قبل 6 سنه



تسلم يا غالي , و أنا عارف إنه أفضل من الهايلكس , بس ودي بنصائح المستخدمين حوله عن سواقته رساوته صيانته إلخ ...


خذ استاندر وركب مرايات نيكل و مقابض نيكل والله يبارك لك


بارك الله فيك

والله انا افكر بالسييرا بس متخوف من الصيانه مستقبلاً خصوصاً اني من النوع اللي يمسك السيارة خمس او ست سنوات وقليل التغيير


up 2 down 1
أبو ناصــر 1315
قبل 6 سنه



هلا بالشباب ..

ملك الطارة عزام: والله تصدق فكرة و أركب شعار  z71 على جنب , بس بصراحة الدبل مطلوب .

الغالي أبو ناصر: إذا قروشك والمة إجزم ترا التردد ما يفيد , إشتر و أنا بلحقك إن شاء الله .


اخي غرك جمالك كم موديل السييرا الي انت عارضه


up 0 down 0
mans 1937 222
قبل 6 سنه



ما شاء الله سيارة ممتازة ما عليها كلام - انصحك ايضا تشوف وتجرب الفورد اف150 ما شاء الله هيبه ايضا

طالما تحتاج الموتر للاهل ليه ما تاخد دوبل كبينة حتى ينفع لو العائلة خرجت معك


up 0 down 0
raouf1 335
قبل 6 سنه



ترا موديل 2014 تغير شكله,, وبينزل قريب بس أكيد بيكون غالي

اذا ما يهمك الشكل فرصة انك تأخذ 2013 بسعر حلو,, وبالتوفيق


up 0 down 0
3boody830 264
قبل 6 سنه



اذا بياخذ هايلوكس ب 90 الف ومافيه فخامه ولا بدي قوي يدفع 80 الف و ياخذ نافارا من نيسان فل الفل افخم و اقوى واذا تبي الدبل ب 105 للنفارا


اشتري 2013 دبل مستعمل خفيف يعني ماشي 5000 او اقل , تلقى سعره بالثمانينات


up 0 down 1
sultan-q 465
قبل 6 سنه



خذ اقل فئة بالله ايشش تبغى بالدبل ايش كل يوم تروح الربع الخالي وترجع 

86 الف وب 4 الاف حط علية اكسسوارات يصير أحلى من الفل كامل 



انتبه فيه ثلاث مكاين نازلة للسييرا واكبرها 6لتر وتحي على hd


up 0 down 0



ما جربت الموتر عشان احكم عليه ياخوي لكن نصيحه اذا يت بتشتري سياره وأمورك الماديه طيبه ولله الحمد .. اشتر مره وحده فل كامل عشان ما تروح كل يوم تعدل فيه عشان يستوي فل كامل والدبل جداً مطلوب لاشفت المطر والجو الطيب والناس كلها تدخل داخل البر تستمتع وانته ع أطراف الشارع لانه موترك بدون دبل قلبك بيعورك والله يوفجك ياخوي ويسهل عليك شراء الموتر الي تباه


up 1 down 0
بوسلطان 91297 342
قبل 6 سنه



إذا تبيه للبر لاتاخذ إلا Z71 ، مكينة 5.3 لتر ودفلوك وهو أنسب شي للطرق الوعرة ،،

وإذا ماقدرت عليه خذ سياحي بس 5.3 لتر أفضل لك

وبالتوفيق ياغالي


up 0 down 0
hmada1213 2024
قبل 6 سنه



بالتوفيق ياغالي موتر ماعليه كلام..


الجميح برياض فرع خريص امس فل كامل غمارة z71 ب103بدون مكاسر  وعندكم السياحي ب96 ولله قهر


up 0 down 0
ماشي بدربي 166
قبل 6 سنه



 حلو     بس شف لك امريكي سعره مناسب واذا اعجبك بعه واشتر جديد 
خايف  تغير رايك فيه بعدين 


up 1 down 0



هلا بكم جميع .. شاكر لكم التفاعل و إبداء المشورة .. تسلمون .