انتشرت كلمه غريبه شوي بموقع حراج احد يعرف معناها حياك

آلسلآم عليكم ورحمة آلله وبركآته

يآلله حيهم وش لونكم وش أخباركم عسآكم طيبين

كيف العزآيم معكم ؟ ولا كلكم راقدين :(

المهم هذا كم بيت شعر متواضع لكل الاعضاء بمانسبه العيد واعرف إني جيت متأخر

لكن ما فيه مشكله إن شاء الله :)

أسمع صدى صوتن يزف التغاريد

و أجاوبه بألحآن شعرن تهزه

سلآم مني يردف البيت ويزيد

سلآم من عبر اللآب توب ندزه

أهني أصحآبي في ليلة العيد

و ألي لهم في وسط قلبي معزه

مال التهآني في ضميري موآعيد

لو هي بيكفي قلتهآ كل حزه

مقتبسه ^

وصح لسآني هههه

المهم ندخل في صلب الموضوع

أنتشرت كلمه في موقع حراج

وهي كلمة ( متآبع )

ادخل على واحد يبي يبيع سيارته والقى واحد كاتب متابع

وبعدين يختفي

تشوف بعض الردود لها اسابيع

وش تعني هالكلمه ؟

يعني يكتب متآبع ولا عاد تشوفه بالاسابيع

وش يعني بها ؟؟؟