العمر الافتراضي للكفرات

هي على نوعيه الكفر لان بعض الكفرات تمشيك 60 الف كيلو تقريبا بس بشرط ماتكون تتعرض للشمس بشكل واضح ويومي وتكون سليمه من التقطيع بسبب الحفريات والشوارع الحلوه عندنا واذا تقصد عمر افتراضي ( وقتي ) فانا عن نفسي عندي كفرات ميشلان من تاريخ 2010 وماشي عليه 40 الف ولازال باقي فيها عمر بسيط يعني على حسب الاستخدام والوقت ماله دور كبير

والله اعلم

علي حسب استخدامك 

اهم شي لا ينقص الهوا ولا تسرع فوق١٢٠
او تقوم السياره بتسارع قوي
او تاخذ اللفات بسرعه
او تلف الدركسون والسياره واقفه
وتكون وزنيه الاذرعه والمقصات وعلبه الدركسون ١٠٠٪ (عشان المسحيه)


وبيعيش معاك

اذا اهتميت بما سبق

تصدق كفراتي ابو كلب صيني لها سنة.....وسفريات فعز الظهر.........وللان النقشة ماراحت وباقي فيها.........

الكفر اشوف اذا انمسحت نقشته خااااصه الاطراف او تحصله محبل من الداخل وهذا يغل عنه كثير...او عطه من سنة ونص لسنتين ان كان من الانواع المنتشرة مثل تويو وغيرها.

12أسبوع في 2011هذا تاريخ كفراتك....السنه 44أسبوع.
التحبيل يجي على شكل ورم بالجنب.
أسبابه.....الاصطدام العنيف حفره او رصيف او غيرها....
وكذلك طول الوقفه من شهرين وفوق.....
وكذلك تظهر من سوء التخزين في المحل او تعرضها للشمس مباشره او تاريخ قديم جدا.
توكل على الله......

الكفر الجيد يمشيك بامان 100 الف اقل تقدير، وانا مركب مشلان مشيت 75 الف كأني شريته امس ولله الحمد والمنة تاريخ تصنيعه اسبوع 32 سنة 2011
وبما ان معك جمس لي قريب معه يوكن طويل 2009 بكفرات الوكالة قوديير مشى عليها 160 الف وغيرها قبل شهرين
وفيه طريقة وضعتها مصانع الكفرات لقياس عمر دعسة الكفر وهي الخطوط العرضية التي بروزها اقل من الخطوط الطولية،
 الخطوط العرضية اذا تساوت مع الخطوط الطولية معناها الكفر يحتاج تغيير
لكن عندي سؤال للبعض كيف نحمي الكفر من الشمس واصلن الكفر يحتر اضعاف ذلك وانت تسوق في الشارع يعني حرارة الازفلت زائد حرارة الاحتكاك
 وجرب المس الكفر بعد مشوار خمس دقايق والمس الكفر بعد توقيف السيارة ساعة او اكثر وهو معرض للشمس

ثلاث سنوات العمر الافتراضي للكفر