أضف سؤال أو موضوع جديد          

مشكله وتم حلها بدلا من 1500 صلحتها ب 350 ريال وهي صوت المسجل

up 10 down 2
ابو يزيد 000 8688
قبل 4 سنه و 2 شهر



السلآم عليكم ورحمة الله وبركآته

كيفكم يآ حبآيب

اليوم شفت موضوع عن اكاديا اللي لوحاته من ليبيا ويقول وين مكان الامبلي فاير ؟

عشان بغيره بواحد جديد , لان صوت المسجل والراديو ما يشتغل ؟

http://gmc.montada.haraj.com.sa/26131/

هذا موضوعه ^^


انا عندي الحل و جتني الفكره من موضوع شاقح

مشكله وتم حلها




بدال ما تشتري امبلي فاير ب 1500 من التشليح وما ادري بكم التركيب

تسوي له برمجه ب 350 ريال !!

اعطيكم قصتي


يوم اني شريت الدينالي من الامارات وجاء للسعودي كان فيه بعض المشاكل البسيطه لانه كان واقف فوق سنه كامله !!

 ومن هالمشاكل ان صوت المسجل والرادي ما يشتغل 

رحت عند محلات البرمجه والمسجلات وقالوا بعضهم يبغاله تصليح والبعض قال يبغاله تغير امبلي فاير

رحت للمحلات وقلت ابي اصلحه وقالوا الافضل تغيره لان قليل اللي يعرف يصلحه


ولقيت واحد وقال انا بصلحه لك

وفك التكايه اللي بالوسط وطلع الامبلي فاير

وقال تعال بعد يومين

وجيته بعد يومين 

وقال للأسف هذا خربان ما يتصلح

وانا يأست هنا وقال لي لازم تشتري واحد جديد

ورحت للتشاليح ولقيت يوكن دينالي 2007 واخذت الامبلي فاير حقه ب 1500 ريال

ورحت عنده وركبته وما اشتغل الصوووووووووووت ؟

وكنت بأفقع وجهه الكلب خلاني اخسر 1500 وفي الاخير ما يشتغل الصوت 

وقلت فكلي اياه ذلحين و ركب القديم

وفكه وركب القديم وما عطيته الا 150 ريال حقت الفك والتركيب لاكثر من مره

ورحت للتشليح وقلت السالفه و قلت له رجعلي 1200 لا ترجعلي 1500 

وقال خلاص ما فيه مشكله وعطاني 1200 ريال

وقلت بأروح لمحلات ثانيه واحصلي واحد عامل ممتاز

وقال هذا يحتاج برمجه فقط ما يحتاج تغير ولا تصليح ابدا ؟؟؟؟

قلت بالله عليك ؟ قال ايه

وقلت يالله برمجه لي الله يسعدك

وبرمجه لي الا وصوت المجسل والراديو اشتغل !!

وقال لي السعر 350 ريال 

على طوول عطيته 350 بدون ما افاوضه

ولا انا اهبل فيهم واكاسرهم مكاسره اخليهم يقول تكفى خلاص راسي اوجعني هههه

وهذا الحل وان شاء الله استفدتوا



الورشه بمنطقه الرياض , واسم الورشه ورشه الامتياز واللي صلحها لي إسمه صديق

ورقمه في الصور تحت















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


توي نزلت موضوع حكم الايجار المنتهي ب التمليك من فتاوى اللجنه الدائمه
وجاني 5 لايك
وبعد قليل حذفوا موضوعي
وكانت نقاطي 127 اصبحت الان
84 نقطه

بالله ايش رايكم


up 12 down 7
ابو فيصل.8808 294
قبل 4 سنه و 2 شهر



كلنا انظلمنا ومرحبا بك   بموقع حراج


up 3 down 0
صوت العزاوي 518
قبل 4 سنه و 2 شهر



اقول كيف شغلت خدمت البلاك بيري با الجالكسي انا عجزت :) فدنا


up 0 down 0
مستر12 624
قبل 4 سنه و 2 شهر



ششككررا على موضوعك الجميل 

وبالنسبه للي يسأل عن الbbm للجلكسي ترا انا حملته او مانزل واشتغل

5 ساعات وقفل والى الأن مقفل البرنامج انصحك اذا موجود عندك احذفه

وننتظر ان شاء الله الى ان يفتحون البرنامج بشكل رسمي ومعلن للجميع

بالتوفيق


up 2 down 0
نوار الوذيناني 585
قبل 4 سنه و 2 شهر



ممكن توضح البرمجه الي سوها لك صديق > لجهاز المسجل ،،، والا برمجة من الكمبيوتر الرئيسي
..
والله يبارك لك


up 1 down 0
aziz..747.. 2417
قبل 4 سنه و 2 شهر



مشكور ماقصرت ... انا عندي  بلاك بس المشكله ماحب يكون معي  جوالين قلت زين با الجالكسي


up 0 down 0
مستر12 624
قبل 4 سنه و 2 شهر



اخوي انت غلطت غلطه انا دايم انتبه لها اذا رحت اشتري قطعه تشليح اقوله " اذا مايركب انا ارجعه "
انت غلطان يوم انك تخصم له 200 ريال ليش يا اخوي فلوسنا حنى نجيبها من الشارع ؟
ارجو انك تنتبه مره اخرى اي محل تشليح تاخذ منه قطعه قله اذا مايركب انا برجعه لك ... وبس


up 1 down 0
aazz1989 16
قبل 4 سنه و 2 شهر



موضوع جميل ولكن مو كلها تتبرمج في بعضها يتعطل نهائيا ولازم تغيره


up 0 down 0



موضوع مفيد يابويزيد وبالتوفيق


up 0 down 0
ابــو ســنــد 10626
قبل 4 سنه و 2 شهر