جربت سيارة امريكية شاركنا بانطباعك عنها

انا صراحة من الناس الي ماحب الامريكي لاكن انصح فيه وبقوه كان معي سابقا اول ماتوظفت

السياره : فورد فكتوريا
الموديل : 2004
الممشى : 245 ألف

اعطيها السياره 8 % 10

بتوفيق

هههههههه جاك يامهنا ماتمنى 
جااايك مدرعم ماشي ٢٠٠ كيلو بالدقيقه 



السياره : ماركيز 
موديل : ٩٨ 
الممشى : ٣٦٠ ألف ميل 
اعطيها من ١٠  :   ٣ من ١٠ حق الخدمه الخايسه 
انطباعي الشخصماني عنها هههههه : 
ايجابيات : انها ٤ كفرات وفيها مكينه وتتحرك وتمشي  فقط هذا الشيء الايجابي بس 
السلبي : حراره طايره للأتش دوما ، غيرت لديتر ، فكيت بلف الحراره ، مراوح جديده ، جلست على الارصفه إلين قلت بس عشان تبرد 
تشرب بنزين موب صاحي كل يوم ١٠ ريال فقررر
تفتفه تنفضك إلين يروح الكريسترول بالجسم مسااج مغبر ههههه 
بعض الاحيان ماتشتغل  غيرت طرمبة البنزين مانفع وصفايه مانفع 
المويه باللديتر كل يووم اعبيه شاريلي سطل وحاطه بالشنطه وقاروره ٦جالون من مياه المنهل هههههه 


وغيرها وغيرها 
لكن راحت بخيرها وشرها وخبطت 

والحين من دون سياره 
الله يعوض 


اصلا الواحد من دون سياره احسن ههههههه 

شكرا ولايك  للجميع 

فورد فكتوريا2002 توي بعته
10م10
طبعا سعودي
الموتر كفو ان بغيت دز فخذ موتر وان بغيت راحه في سفر فابشر 
وشنطته كأنها صندوق ددسن 
والله إني أخذ صحون الذبايح فيه واخلي الددسن علشان لاتتحرك الصحون

ترافيرس 2009
ممشى 156 ألف كيلو.
الإيجابيات كثيرة و أعطي السيارة 8 من عشرة.صف المراتب الثاني منفصل و هي ميزة حلوة لكن لما تجي تطوي الصف الثالث للسفر و تحميل الأمتعة تصير السيارة تحمل أربع ركاب فقط
.
و حاجة أخرى أحس أنو هيدروليك المقود قاسي شوي و يعلق على السرعة الخفيفة
.
و هي أمور بسيطة لكن بشكل عام السيارة حلوة و عملية

تاهو 
2011
ماشي 125الف السياره اعطيها 10\10

فورد فكتوريا 2008 ماشي 450الف اعطيها 8\10 
ايجابياتها ممتعه سواقها جدا ومريحه 
السلبية الفرامل مو قوي 

اسكاليد  قصير ٢٠٠٧
ماشي ١٥٦٠٠٠ 
النقاط اعطيه ٧ من ١٠ 
ايجابياته شكل جميل جداً قطع غيار ميكانيكية نفس الجمس ومتوفوه في المحلات 
سيارة اعتمادية في خط ولا بر القير ٦ نمر مريح للسيارة والعزم ممتاز بسبب قوة المكينه  6.2 صرفية البنزين جيدة جداً الرساوة ممتازة الدبل ممتاز 
الديكورات الداخلية فيها فخامة 
سلبياته غير مريح نهائياً مقارنه باليوكون نقصنا هواء الكفرات غيرنا الكفرات مافيه فايده اليوكون اريح منه والسبب الجنوط 22 والمساعدات الكهرباء 
عدم وجود ثلاجة جنب السائق مثل اللاندكروزر وبعد مافيه بلوتوث للجوال 

كآبرس 94 

كآن عز ورب الكعبه , لكن جاه عين والله يعوضنا كل يوم مشكله , بس كآن نظيف وركبت فيه رصيف وما سار له شيء من تحت وصدمت زباله حديده و ما تأثر الا شوي من الصدام والزباله انعفطت جوا يمكن 5 سم و الصدام انقطع وسويته عند الفيبر قلاس ب 50 ريال

سلبياته تشرب بنزين شويتين 


فورد 2003

من أمتع ايام حيآتي , كان معي بالثانوي , وكنت وقتها مرجوج شوي , مره خلصنا أختبارات الترم الثاني من 2 ثانوي , وطلعت ادرفت فيهآ آلله يصلحني ههههه , قعدت احوس فيها وادور في محلي والحراره ما ارتفعت , ويوم وصلت البيت دقوا علي بعض الزملاء قالواا الدوريه تدور لك ههههه , كنت وقتها مرجوج لكن الحمد لله قلبت 180 درجه

وما فيها سلبيات الا انها كلاسيكه يعني مافيها فخامه

لكن أنا ركبت لها شاشه اماميه ونجدتها جلد و قرطستها وكانت بالنسبه لي رووعه

هي بس اللي يقهرني فيها إنها كبيره شوي لكن اللي يتعود عليها يسير حريف

صداماتها كانت مقشره , ما يمر شهرين الا وانا مغير صدامات وراشها



الحين معي دينالي

الموتر كفوو و يطربك بالخطوط وصوته وعزمه

سلبياته قاسي وعزله اقل من وسط لانه رياضي وهذي ميزه واعتبرها عيب

بعكس اليوكن والتاهو العادي يجيك لين جدا جدا حتى لو جنوطه 20 و عزله قوي جدا لانه مو رياضي

نجي للتقيم

الصآبونه 6,5  / 10
آلفورد 8.5 / 10
الدنيآلي 8,75 / 10

تفرق معي الربع والنص والثلاث ارباع

انا مجرب سوبربان 2003 معاي من 3 سنوات والحمد لله بس يشتكي من شي واحد الحرارة في الظهر او لم توقف وقت طويل
والقطع حقته ولله الحمد متوفرة في كل مكان وسعرها حلو والسيارة عملية وعائلية 
والسيارة قوية من ناحية مكينة وبودي والسيارة الزينة تكون بالمحافظة عليها 
ومشكور لطرحك للموضوع ....

اسم السيارة : فورد اكسبديشن
موديلها : 1997 
كم ماشية : 255الف تقريبا
كم نقطة يعطي السيارة من 10 : والله صعبة كم نقطة لانها قديمة وخدومة 
انطباعه الشخصي عن السيارة وما هي ابرز الايجابيات والعيوب الي فيها :
السيارة توفيق من الله سبحانه وتعالى صار له معي حدود السنة
ايش غيرت فيها من شريتها  اهواز الهوا - عظمة القير ( فيش السفتي )  وبس 
والله السيارة على قدمها لكن صرفية البنزين فيها اكثر من ممتاز اعبيها 95 فل تمشيني 600كم 
السيارة زي ما قلت توفيق من الله سبحانه 

الحمد لله كل سياراتي أمريكيه واذا اخذت غيره اخذت ايجار

1- شروكي 2001 ماشي بعته وهو ماشي 200 الف .. الموتر بطل بالبر والخط صح انه بهذلني بكم خراب لكنه موتر ما ينسى واعطيه 7.5 من 10

2- يوكن 2001 ونعم الموتر لو أتكلم عنه من اليوم لين بكره ماعطيته حقه .. شريته وهو ماشي 30 الف وبعته وهو ماشي 460 الف والقير توظب على 400 الف .. أعطيه 8.5 من 10

3- تاهو 2011 ماشي 55 الف .. موتر كفو يطربك خط بر كل شي وما اشتكيت من أي خراب ميكانيكي أو كهربائي ولله الحمد .. أعطيه 9.5 من 10

موضوع حلو .. ماراح اطول بالكلام 
السياره : جراند ماركيز 
موديلها 2000 كانت لابوي و من ابوي ل عمي و من عمي لاخوي  ومن اخوي لين لي
ممشاها فوق 220 الف ميل لانها وارد امريكا 

عيوب والحمدللله مافيه الا قطع الاستهلاكيه .. مكينه و قير ولله الحمد للحين ماشتكت 
انشهد انه موترر 

السياره . كابريس اس اس 
الموديل : 2009 
شريتها اصفارالان ماشي 330 الف 
استخدامها رووعه وعندئ انا شخصيا اعتبارها افضل سياره بعد الالماني 

تقييمها اعطيها 9 من 10 

موضوع جميل وشيق

وبالنسبة للمواتر الامريكية انا جاء معي اثنين وكلها قدام ... اسم السيارة , بيوك موديله , 82
طبعا الموتر لاتسالني عن ممشاه هو كان تقريبا في ال 500 وشوي والحين طق 600 تقريبا ماشاء الله طبعا السيارة لأحد انسبائي وتملكتها فترة ورجعتها له بعد ماشريت موتري واقيمها 9 من 10 والموتر الثاني ... اسم السيارة كابرس بوكس , الموديل 85 , طبعا الموتر جاي وعمري شهر وشوي تقريبا يعني لاتسالوني عن ممشاه يمكن قلب اكثر من مرة لانه يحسب ب 100 متر وله معنا 21 سنة ماشاء الله واقيمه 8 من 10 طبعا هالكلام في عزها الحين خلاص انتهى زمانها ... تحياتي

للمعلومية لازال البيوك والكابرس كلها موجودة عندنا الكابرس لنا والبيوك لنسيبي ... تعزيز هههههههههههههههههه

السيارة : كراون فكتوريا حكومي

ماشي للحين 207.000

انا رجلي حارة ودعستي قوية للسيارة غير المطبات والحفر اللي بعض الاحيان آكلها على دعستي يعني استعمالي سيء جداً

مع كذا صبورة ومافيها لا قرقعه ولا طقطقه , لكن فيه صوت توه جاي من مطب مرتفع واتوقع من الركبة .

اللي مثلي وسواقته قشرا ورجله حارة لاياخذ الا فورد بوليسي


ا