أرجو ألمساعده بشراء سياره

حرام عليك تقارن يوكن بفورتشنر

وكل شي ف الجمس يستاهل الزود يكفيك وقفته لوحدها كلام ثاني
 بالنسبه للشكل الجديد على كلام احد موظفي الجميح انه بينزل بدايه 2015 وسعره بيكون غالي وتبغى الصراحه يستاهل

والله يرزقك ان شاء الله

طيب وما فكرت بـ cx9 2013

فخامه + رساوه + آمان قوي بعد الله سبحانه + شكل جميل جدا + وسيع من الداخل + يستخدم كسياره داخل مدينه وفي السفر ايضا وحجمه متوسط

يكفيك انه يباني ياباني ماهو تجميع

وهذا رابط لموضوع نزله أبويزيد امس

شيك عليه وشف اسعار قطع غياره و شف اسعار الفئات 

فتحه وشاشه نفقيشن و 6 سلندر ب105 الاف

شف هالرابط

http://mazda.montada.haraj.com.sa/25758/ 

ولا تنسى ان قطع المازدا يابانيه اصليه جايه من اليابان , يعني ركبها وانساها لان عمرها طويل

تحياتي لك

المشكله 2014 نفس 2013 بالظبط لكن مع زيادة 20000ريال 
2015 شكل جديد شف كم يكون السعر

المازدا حلوه لكن مالها وكاله بالشمال وحتى القطع صعب تحصلها ويمكن غاليه تكون

وش جاب لجاب ياخوك..
هذي فئة وهذي فئة لحالها..
تخيل أسألك وش الأحسن بين الكمبيوتر ولا الجوال...

اليوكون بعد سنتين حيصير زي اللاندكروزر يعني محد حيق ر
يشتريه من غلاه
لذلك انا من رأيي تروح وكاله تويوتا طريق المدينة شارع قريش
فيه عندهم اكثر من برادو مستعمل وضمان الوكاله ونظييييفه

المازدا ما يحتاج الا قطع استهلاكيه

وإذا تعرف احد بأي مدينه جده او الرياض او الدمام

كلمه لا احتجت قطعه

وخذها مني 

بيمشي معك فوق 100 ألف وما يحتاج الا تغير زيت وزيت القير ايضا

زيت القير العلبه ب 55 ريال ويحتاج 4 علب ب220 ريال 

وزيت مع فلتر من بترومين كل 6 الاف كيلو وفيه عندكم بالشمال بترومين

وان احتجت قطعه كلم احد تعرفه واشحنها بالبريد السعودي ب 20 ريال وانتهينا

وادخل على الرابط اللي حطه ابوخالد

وشف اسعار القطع الاستهلاكيه

وترا تسعيرة القطع الاستلاكيه قديمه لها 5 سنوات يعني الحين رخص اكثر من 40%

لا تاخذ فورتشنر وبعدين هو يتقارن مع الإكسبلولر مثلا
والفورتشنر سريع الإنقلا وهو عبارة عن هايلوكس بدون صندوق 
اليوكن أقوى وارسى وأحلى وبعدين الفورتشنر سعره غالي والمكينة نفس 
حقت الهايلوكس  بس لو مصر تاخذ فورتشنر ومعاك حقه خذ 6 سلندر 
بس ما نصحك فيه فمافيه رساوة الطبلون زي الهايلوكس
وتقبل مروري ......

انا استخدامي قليل في البر 
اختلاف الفئه ماهو مهم اهم شي الحجم والمميزات 

وايش رأيكم باللون الأسود على اليوكن او الموكا لان هذا الموجود  فقط

انا عندي فورتشنر ٢٠١١ اول شي تنسى شي اسمه راحه اذا كان ٤ سلندر يفقع القلب سريع الانقلاب مافيه اي مقارنه بينه وبين اليوكن لو بتاخد فورتشنر الهايلوكس اصرف منه ع الاقل تستفيد من الحوض ^-^

الاسود افخمم من الموكا بكثير

مشكورين والله يعطيكم العافيه على الرد

عندي تعليق بسيط ياخوي انت قلت بصبر شوي اذا كان معك موتر ثاني ومنتاب مستعجل على اليوكون فهاذا شي طيب اصبر لين ينزل الموديل الجديد واجمع له صح وطقه لانه بصراحة حتى لو يكون غالي انا اشوف انه يستاهل بصراحة فخامة ومواصفات ماتتقارن بالقديم ابد وبالنسبة للفورتشنر اخوي احمد واخوي عدنان ردوا عليك والله تراه هايلكس ياجماعة مهب جيب مكينة وكلش وشاصي ووجهيه تشبه الهايلكس يعني بالله هاذا يستاهل 100 وزيادة والله 80 الف وواجد عليه لانه هايلكس حطوا له مرتبة ثالثة ولايهون الحبيب البرادو وكلهم ابو قلبة لا في طعس ولا في زفلت الله يكرمكم ... انا من رايي انك تنتظر عشان على ماقال تدفع ف الشي اللي يستاهل وماتتحسف تراك دافع 100 وشوي مهيب 40 ولا 50 الف تقول بعوض ... والراي الاول والاخير لك وانت ابوها وسمها ... تحياتي

واذا انت منتاب محتاج الموتر وبتشتريه زيادة بس يعني ماعندك عائلة كبيرة ولا شي انا من رايي توزي دريهماتك لوقت العازه بتشتري بيت ولا شي ولا تحتاج شي لينها عندك ولا تروح في سيارة

انا والله سويت حادث وانعدمت السياره 
على شان كذا متردد لان الفوتشنر اقل مواصفات 88000بالمعارض لاني راح أخذ قرض 
على شان اشتري السياره
لكن سيارتي الاولى تاهو  2012 وبعته مصدوم
وسبب الحادث الجواال  من الجوال يا شباب 

الحمدلله على سلامتك والله يعوض عليك ياربي ... وهاذا درس لك وانا اخوك ولأخواننا في هالمنتدى يالربع والله انه هالجوال سبب حوادث لاتعد ولا تحصى انتبهوا يا الربع تعرض نفسك واهلك والناس للخطر ترى مهيب ضارتك تنتظر ربع ولا نص ساعة لين توصل مشوارك وبعدها امسك الجوال بيدك ورجلك بعد ... الله يصلح العطا ويوفقنا ويوفقكم يارب

اشتر 2014 افضل لك سواء هذا او ذاك