مشكلة البعض و للأسف في الموقع ...

19 7

لايمكنك التصويت حتى الحصول على 20 نقطة على الأقل
إضغط هنا للإخفاء

بأبي أنت و أمي يا رسول الله .. 982
قبل 11 سنه و 2 شهر

                                          السلام عليكم و رحمة الله و بركاته

يا أخوان بدخل بالموضوع بدون مقدمات :

قررت أشتري سيارة و بحثت بالمعارض و الحراج ولا حصلت الموتر اللي أبي لكن دخلت الموقع لقيت و كثيرة أنا ما أدري عن النظافة لكن أقول إذا هو موجود تقابلت مع صاحب السيارة و شفته لكن المصيبة أكلمه يقول بعته طيب و الإعلان ؟

يعني إذا ما تبي تتعب نفسك و تحذف الإعلان , فكر بوضعنا نبحث عن سيارة و إذا لقينا نقول عساه مهوب غالي
و إذا تكلمنا معه قال بعته ودي كل واحد يعلن إذا باع سلعته يحذفها كلها ضغطة زر !

أو مهوب لازم تحذفها أكتب بالخط الأحمر العريض " تم البيع " سواء داخل أو خارج الموقع .
إلى الآن أبحث و إذا كلمت يقول بعته أو يكتب نظيف و إذا اتصلت يقول و الله فيه الحاجة الفلانية ! يبي له مساعدات يبي له تربيط !!!

طيب من أول إختصر الله يرحم والديك و أكتب كل شيء الخدمة ببلاش أما أني أكلمك و تصرف فلوس و تضيع وقتي ووقتك و بالنهاية راح تكون ردة فعلي جملة أكررها " الله يرزقك موترك ما يناسبني " 

كلمت شخص معه فورد F-150 لونه عنابي " مهوب مرغوب " موديل 2004 غمارة ونص ...

أنا : السلام عليكم 
هو : ما رد السلام ....
أنا : الفورد موجود ؟
هو : ايه .
أنا : كم وصل السوم ؟ 
هو : 33000 
أنا : الموتر نظيف ؟ وضح كل شيء و الرش هل فيه ؟
هو : أيه . قير و مكينة على الشرط و نظيف الممشى موجود بالموقع !
أنا : طيب الرش ؟
هو : فيه رشوش رفرف و كلها تجميلية !!!
أنا : طيب كم حدك ؟
هو : أفرق السوم و إذا تناسبني أنا ببيعك .
أنا : 33500 تناسبك ؟
هو : زد شويتيين و ببيعك .
أنا : طيب أنت تقول أفرق السوم و فرق السوم من 100 ريال هذا المعروف !
هو : ما تكلم !
أنا : كم حدك من الأخير 35 ألف تبي ؟
هو : اللي يناسبك ... "" رفع ضغطي ""
أنا : طيب الموتر وين موجود ؟ و سومتي 33500 على الفحص !
هو : معرض الكنق بالنسيم ..

أنتهت المحادثة ...

رحت للمعرض اليوم الثاني شفته و ليتني ما شفته !!! مليان مخوش نظافته ماهيب مثل اللي فالصور !

بالله عليكم مهوب قهر ؟ ليه ما يختصر الموضوع كامل و يعلمني باللي فيه و كم الحد !
أو يكون فيه خاصية تصوير فيديو إجباري ما ترفع الإعلان إلا به أقل شيء مدته 7 دقائق يوضح كل شيء فيه إختصار للوقت و الجهد و المال ..

و أعذروني على الإطالة لكن صراحة غبنه مابين صلاة العصر و المغرب 3 سيارات كلها مبيوعة و باقي إعلاناتها 


بالأخير تقييمك للموضوع بلايك أو ديسلايك رأي خاص بك لكن نود التفاعل بالردود و جزاكم الله خير 

إبلاغ

الردود