ما الأفضل رش أم تجليد ؟

اخوي شف اي يناسبك ويرضيك  ورشه رشه محترمه

و الله و أنا أخوك محتار فيها التجليد أخاف يخرب باقي البوية لأن السيارة قديمة أدنى شيء يشيل البوية 

و الرش اللي يروح بالتلميع ما أفهم فيه ولا أعرف هل يفكون الاصطبات و يرشون الحواف و الأبواب من داخل أو من برا بس 

مقدر أعطيك لايك لأن استنفدتها أمس لكن لك دعوة بظهر الغيب أفضل 

اكيد الرش افضل مليون مرة من التجليد يكلفك الرش مابين 3 الى 4 الاف ريال
طبعا ازا تبغى حاجة نضيفة وكويسة وتعيييييش معاك
افضل البويات سكينز صناعة هولندية
اختار لون ازرق فرن ميتاليك
تطلع السيارة ان شاء الله خيالية
وبإمكانك الإطلاع على كتالوج الألوان قبل الرش
ويتم فك الاصطبات والنياكل ووووو حتى تتم عملية الرش
لكامل السيارة

جزاك الله خير يالعمدة بيض الله وجهك 

بس فيه الرش اللي يجي مطفي يقولون يروح بالتلميع ودي بهذا لأن تعرف لو رشيته فرن بتطيح قيمة الموتر أكثر 

يسوونه على التشارجر و الجموس أكثر شيء يقولون يجي نوعين مطفي و فيه لماع بنفس اللون 

المطفي يسموه بطانة ماله اي حلا بالنسبة لي
الفرن افضل لمعة تدوم لفترات طويلة
وكل شهرين او ثلاثة لمعها باللماع السايل ( البوليش ) ترجع جديدة كأنك رشيتها من جديد

الرش الدائم ينزل من سعر السيارة وقت البيع فأنصحك تتجنب الرش لأن السوق عندنا سوق بودي وأي رشة تخفس بسعر السيارة أما لو كانت السيارة مرشوشة لأن الاستخدام اكثر يجي مرشوش ففي هذي الحالة رشها لأن السيارة اسمها اصلا مرشوشة

انا بالنسبه ليا التجليد اافضل من الرش 

الله يرفع قدركم و ييسر أمركم 

طيب فيه رش يجي زي التغبيرة مؤقت تشيله بالتلميع هذا يقولون موجود في احد يعرف عنه علشان ما أبي اتهور ثم أتورط 
لأني لو برشه فرن ما راح أخليه نفس اللون يمكن أحطه أبيض أو أسود 

كلكم دعوت لكم بظهر الغيب و الله أفدتوني لكن باقي أخر نقطة اللي هي الرش المؤقت يقول صديقي موجودة و أعرف واحد سواها بس نيكل على كرايسلر لكن ما أحب الألوان هذي أبي نفس الاستمارة و إذا فيه رش مؤقت لمعة سويته و إذا مالقيته عاد أمري لله أرشه فرن و اكرفه لين يطيب خاطري منه و أبيعه تشليح قطعة قطعة 

السلام عليكم..
أخوي بالنسبة للرش المطفي ما يأثر على لون الوكالة وتقدر تاخذ ضمان سنة من المحل اللي ترش عنده..

بالنسبة للجلاد..فيه نوعين..مطفي ولماع..
لكن إذا السيارة فيها رش من أول ماينفع لك لأنك لما تفكه بيقشع البويه وبتنجبر ترجع ترش الموتر كامل..

لذلك أتوقع أفضل شيء لك هو الرش المطفي المؤقت..
أسعاره بالنسبة للسيارات السيدان من 600 ريال إلى 1000 وبعض المحلات اللي شغلها نظيف يوصل لــ1400

بالنسبة للجموس فما أقدر أفتيك كم الأسعار..
إذا أنت في الشرقية فيه محل في العقربية اسمه (آيس كراج)شغلتهم رش وتجليد وتلميع ووووو
صحيح غالين..بس كلمة حق شغلهم ممتاز..

وعلى فكرة الرش المطفي..
ينشال بالبنزين وبعدها يتلمع البودي كامل..
وأنصحك إذا رشيت..ولاحظت إن الموتر بدأ يتوسخ..لا تغسله بالطريقة المعتاده..

لا..خل عامل المغسلة يرشه مويه فقط(((ومن بعيد)))وبعدها امسح الموتر وخرقه نظيفه..بشرط ما يكون بقوة..
أتمنى إني أفدتك

جزاك الله خير ي اخوي سلطان و الجميع بلا إستثناء ما قصرتوا و أنا و الله بالرياض لكن إن شاء الله ييسرها ربي 

جميعكم دون استثناء الله يوفقكم و يفتح أبواب رزقه و رحمته بوجيهكم أينما ذهبتم و يجعلكم من عتقائه من النار
و يحشركم يوم القيامة مع الاتقياء و الابرار
و يحرم وجوهكم عن النار و اهلكم و احبابكم اجمعين 

شرفني مروركم و جزاكم الله خير الجزاء ...

نصيحة مجرب الرش المطفي ابعد عنه
يعدم لمعه بوية السيارة وفيه اماكن عند الازالة صعب الوصول لها