أضف سؤال أو موضوع جديد          

بحكم خبراتكم ماهي أفضل سيارة حوض لكبار السن

up 3 down 0
sultan-07 2438
قبل 7 سنه و 11 شهر



السلام عليكم ورحمة الله وبركاته

صباحكم/مسائكم خيرات ورضى ونعيم من الله تعالى.

يا اخوان الله يعطيكم العافية..
عندي الوالد أطال الله في عمره وعمري وأعماركم وأعمار أبآئكم وأمهاتكم وذويكم على الطاعه..
جالس أفكر له في سيارة حوض..

بحكم إن سيارته اللي يروح ويجي فيها صارت ما تخارج وصارت تطلب أكثر من اللازم..

المهم..مالكم بالطويلة..

من ضمن اختياراتي ما يلي:

سييرا..
سلفرادو..
أفلانش..
فورد f150

كل السيارات المذكورة من موديلات 2009 وفوق

طبعا استبعدت الهايلوكس والددسن والشاص لأنها قير عايدي..


فيا ليت لو أحد استخدم أي موتر من المواتر المذكوره أعلاه..يفيدني عن الآتي:

وش الأفضل..؟؟

كيف الأسعار..؟؟

الأفضل والأريح كاستخدام خصوصا لكبار السن..!!
==========================================
وإذا في بالكم موتر غير المواتر المذكوره فلا مانع من إبداء آرائكم ومقترحاتكم..
==========================================
الميزانية المرصودة من 80000 إلى 90000
==========================================
مع الشكر الجزيل سلفاً لحضراتكم..ودعوة صادقة من القلب أن يرزق الله كل من يقرأ الموضوع
بــ33 مليون ريال سعودي تنزل في حساباتكم يوم السبت في العصر








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يسمع منك يارب وتجيني هالثلاث وثلاثين مليوون وبخصوص استفسارك انا اشوف ان السيرا حلو ومركبه مرييح وفيه وسائل امان وماسك سعره نسبيا وزباينه واجد لاجيت تبيعه وهاذا رائي والله يخلي ابوك لك ويرزقك بره


up 3 down 0
هآوي الشمآل 107
قبل 7 سنه و 11 شهر



السيريرا والسلفرادو كلهم خيارات جيده وحقت كد ومد بالرغم اني افضل السريرا اكثير. اما بالنسبه للافلانش انا اشوفه خيار افضل وافخم بس ما احس انه حق كد وتحميل بالعربي جمس كامل مكمل بس الخلفيه حوض. اما بالنسبه للفورد f150 ما ودي افتيك فيه بس اشوفه الخيار الاول والاوحد للامريكان بحكم تواجدي هناك بس ما عندي علم كافي عنه..  فيه النهايه يعتمد على نوعيه الاستخدام هل الوالد الله يحفظه راعي حلال ومزرعه وبكذا الخيار راح يتحدد مباشره للسيارتين السيريرا او السلفرادو.... الله يخليه ويحفظه لكم ويرزقكم بره 


up 2 down 0
meshari t 74
قبل 7 سنه و 11 شهر



الله  يسمع منك اخوي

انصحك بالفورد اف 150 عملي اكثر من السييرا والسلفرادو وقوي بالسحب اكثر منهم الافلانش فخم ومريح وداخليه جمس 100% بس مماينفع حق كد

اذا ودك بالكد ويتحمل ف ارشح لك اف 150 اذا خطوط ومزرعه افلانش بس حساس شوي 




up 1 down 1
جفن عيني -58
قبل 7 سنه و 11 شهر



والله شف وانا اخوك السييرا والسلفرادو ماحد يشكك في قوتهم وتحملهم وصبرهم علينا هههههه 

فاذا ابوك يحب فقط السياره المَتَعه يعني اللي شغل وامش ولا يهمه الاكسسوارات والزبرقه ياخذ سييرا واذا هو يحب الكشخه وموتر غمارتين ياخذ افلانش لانه اقصر من السييرا اولا واكشخ منه داخليا مثل الديكورات ونحوها 

بالتوفيق ان شاء الله 


up 3 down 0
camry grandi 99 7274
قبل 7 سنه و 11 شهر



الله يسمع منك ويرزقنا 33 مليون انا بس ابي 3 ملايين ههههههه بنسبة لسيارة واول شي الله يطول لك بعمر ابوك ويعطيه الصحة والعافية اذا كان ابوو يعني مو حق بر ولا يحمل السيارة يعني بلعربي اذا ابوو عنده طلعات للبر كثير وعند غنم او ابل انا اشوف انك تاخذ له باترول فتك حوض قيراتماتيك سيارة مريحة وتكد واذا ابوك يعني طلعات خفيف مهوو راعي غنم وابل اشوف انك تاخذ له امريكي مثل السيبرا اوفوردf150 والله ويوفقكم في اي اختيارر


up 1 down 0
ســامــر 1057
قبل 7 سنه و 11 شهر



السيرا افضل واحد 


up 1 down 1
فيليكس 206
قبل 7 سنه و 11 شهر



السلام عليكم ورحمة لله وبركاته نصيحتي لك خذ لوالدك فورد F150 
جميع موصفات السلامة والقوة والتحمل موجوده فيه واخذ المركز الأول في فئة افضل سياراة الحوض وبالنسبه السعر حتى كن غالي يستاهل 


up 0 down 0
ahmed al-otaibi -1
قبل 6 سنه و 11 شهر