انتبه تسافر قبل تصلح القير ,,

وش موديل السياره ..

انا معي يوكن 2001 وعيا مايمشي الا في ال 2 ومشيت عليه من الشرقيه للرياض ههههههه ..

ووديته لورشه وضبوه ب 1700 او 1800 ..

واذا انت من الرياض ب اعطيك رقم ورشه ف صناعية الخليج هنود متخصصين في القير فقط ..

وشغلهم ممتاز ..

وموفق ..

وش سيارتك؟ لازم تفحص كمبيوتر يمكن حساس
القير خربان عندك !!!! و الورش النصابين أي
شي تقوله لهم على طول توضيب .. لهط بفلوس
الناس !!!! تحياتي لك: أبو صالح .

لا والله اخوي انا بمدينه 
مريت كذا ورشه قالو لي 3000
واقل واحد قالي 2500 

وموتري موديله 2001

قد صارت مع واحد من الشباب

كان يتاخر القير على لاريوس كم ثانيه بعدين يشبك

وحل المشكله كان بتغيير حساسين فالقير واللي طرح الحل كان موظف فتوكيلات الجزيره فالصيانه

ارجع لمنتدى فورد العربيه واطرح مشكلتك بتلقى الحل

حاليا مقدر اجيبلك رابط المشكله اللي صارت وانحلت لاني فالدوام

خلني افضى واجيبه   

وخذها قاعده 

اذا تبديلات القير سلميه يوم تمشي من الصفر الى 180 فتاكد ان القير سليم وتبقى مشكلة حساسات

وشيك على الزيت ومتى اخر مره غيرته وغيرة الفلتر 

هلا اخوي شاقح 
الزيت غيرته قبل شهرين غيرته زيت وفلتر 

طيب الحساس هذا كيف اعرفه انا مريت على اكثر من ورشه وقالو لي توظيب 

المهم لاتستعجل ف التوضيب الا بعد ماتتاكد ..

لكن الورش كلهم نصابين اكيد بيقولون توضيب,,


متى اخر مره غيرت زيت القير والفلتر ..

افحص حساسات القير بالكمبيوتر

ياخي انا قد صارت معي قبل كذا في فياقرا 
وخليتها حول سنه.  ووديتها عند سوري بالطايف صلحها لي بلاش  لانه فك الديكور ولقى اوساخ وكانت العصا تعلق ماتلقم مزبوط عشان كذا يتأخر  هذي تجربتي لعلها تفيدك

ياخوي سؤال ؟

المشكله اللي عندك هي ان القير يتاخر اذا حطيت فالدي كم ثانيه بعدين يشبك 

ثم يوم تمشي تكون تبديلات القير سليمه عادي مافيه اي مشكله ؟

اذا كانت كذا تكون غالبا حساسات 

واطرح مشكلتك فمنتدى فورد العربيه الحين اذا انت مستعجل

ولعلمك ترى فلتر قير الفورد اذا ماثبته يطيح فالكارتير وتلقاه يسبح 

اخوي شاقح انا معي جمس 2001 مو فورد 

أنا كان معي لكزس مديل 98 وكان عندي نفس المشكله بس ما سويت فيها شي وكنت أسافر ولاعندي مشكله مدة سنه كامله ما خرب علي القير ولا شي بس يتأخر اذا جيت أمشي او أرجع ريوس ...

اخوي لاتخاطر بالسفر بسيارتك لانه ممكن تتفاقم المشكله ,, وتوقف بك السياره لان مع حرارة الجو تكبر مشكلتك ,,

ومعروف ان العدو الاول للقير هو حرارة السياره الداخليه وحرارة الجو
,,,

وسياراتك اكيد ماتجتاج توظيب ..
لكن رح لميكانيكي وو وقله يتاكد من ليات ووصلات الاسلاك والافياش حقت القير ..وتاكد ماهي مفصوله او مصديه المهم قله يفك الاسلاك والافياش وينظفه ببخاخ الادوات الكهربائيه,,

يعطيكم الف عافيه يااخوان 
والله مدري المكانيكي يقول الكلتشات ضعيفه 
لاني انا قبل كذا غير البطيخه 

اخوي خذها مني انا وبتدعي لي

غير حساس التغييرات في القير ترى ما راح يكلق شراءه 200 ريال وتركيبه 100 او 200 على حسب الورشة


وانتبه توضب واسمع كلامي انا اعرف في هذه الانور اكثر من غيري و اقسم لك بالله كانت عندي مشكلة في قيري خسرت فيها 6000 ريال من توضيب وتغير مخ وكمبيوتر قير وزيت وفك وربط ولازانت اخرتها غيرت حساس اسمه.حساس التغييرات في القير والحمد لله رجع وكالة

غيره ونظف الثروتل وراح تدعي لي

ولا توظب ترى والله بتخسر ومشكلتك حساس

وانتبه يلعب عليك الميكانيكي هو بس يبي يدخل في جيبه فلوس قيمة توضيب ما يصدقون يجيهم واحد يلعبون عليه

اشتر.الحساس وخليه يركبه لك بدون نقاش و شغل وادعي لي

يعطيك العافيه اخوي كروز
ان شاء الله بكرا بروح واسل عن الحساس 

وعليكم السلام ورحمه الله وبركاته

ليتك ذكرت لما تمشي تغيرات القير عاديه يعني فقط مشكلتك اول ما تحطه بـ D او باقي التغييرات ايضاً ؟
الـ R نفس الـ D يتأخر او تمام
هل يوجد نتعه شبه قويه اذا لقم القير او ما تحطه بالـ D

* تغيير الزيت والفلتر
* الزيت لو ناقص ممكن يكون سبب
بس فالغالب لو ناقص ممكن يكون فيه تأخير بباقي التغييرات او تلخبط في تقديم وتأخير
* بما انك تقول قريب مغير الطنجره الافضل تشيك على الزيت وهل هو اللي موصي عليه المصنع لقير سيارتك
* حساس الـ TPS وهذا ما قصد الاخ كروز بتنظيف الثروتل
إختصار لـ Throttle Position Sensor
لو فيه مشكله ممكن انه يسبب لخبطه في تأخير او تقديم تغييرات القير ايضاً ممكن يتفتف بالسياره

السلام عليكم
اخواني اصحاب الخبرة
عندي سييرا HD 2009
تغييرات القير ممتازه لكن اذاشديت الموتر بين التغييرات يتاخر ويحن المونر ومايبدل حتو اخفف الدعسة وبالذات من 2 اى3 ومن 3الى 4