معلومة بخصوص اسلاك البواجي

8 5

لايمكنك التصويت حتى الحصول على 20 نقطة على الأقل
إضغط هنا للإخفاء

hussain4 854
قبل 11 سنه و 10 شهر

اخواني الاعزاء الكثير منا ممن يملكون السيارات العائلية سواء يوكون او تاهو اوسوبربان من موديل ٢٠٠٠ الى ٢٠١٣
سبق وان غير اسلاك بواجي وبعد فتره من الزمن وعند ادخال السيارة للصيانة يفاجاء ان سيارته تحتاج اسلاك بواجي ويدخله الشك ان المهندس الاول ماغيرها 
اخواني اسلاك البواجي ac delco يتوفر منها درجتين وكلاهما أصلي وتباع في نفس الشركة ومحلات قطع الغيار وعلبتها متطابقة لكن يقدر الواحد فينا يميزها عن طريق الرقم القصير الى على العلبة 
الدرجة الاولى يجي رقمها 748HH او 748GG او 748KK او 748UU على حسب موديل السيارة وهاذي مصنعه في امريكا 
الدرجة الثانية يجي رقمها 9748HH او 9748GG او 9748kk او 9748UU  وهاذي مصنعه في ماليزيا 
((( الارقام متشابهه ولكن الفرق ان الماليزي مضاف له رقم 9 )))
طبعاً الماليزي اقل في الجودة وفي سماكة السلك وغير كذا مايتحمل اذا بعد فتره وغيرت البواجي راح ينقطع بمجرد سحبه وممكن لاحظتو اغلب المهندسين اذا جيت تغير عنده بواجي يطلب منك تغير الاسلاك ويعلمك ان السلك راح ينقطع بمجرد فكه

وفيه ملاحظة ثانيه في طرف اسلاك البواجي قطعه المنيوم وتعتبر بمثابة عازل بين السلك واقزوز العادم ولا تجي مع اسلاك البواجي الجديدة عند الشراء وغالبية الورش اذا فك السلك القديم يرميها مع السلك ولا يركبها في السلك الجديد وبعد فتره تحصل السلك متأثر بسبب حرارة المكينة والاقزوز 

هذا الى حبيت اوضحه لكم وإن اصبت فمن الله وإن اخطأت فمن نفسي وآسف على الإطالة 

إبلاغ

الردود