أضف سؤال أو موضوع جديد          

معلومة بخصوص اسلاك البواجي

up 8 down 5
hussain4 854
قبل 8 سنه و 4 شهر



اخواني الاعزاء الكثير منا ممن يملكون السيارات العائلية سواء يوكون او تاهو اوسوبربان من موديل ٢٠٠٠ الى ٢٠١٣
سبق وان غير اسلاك بواجي وبعد فتره من الزمن وعند ادخال السيارة للصيانة يفاجاء ان سيارته تحتاج اسلاك بواجي ويدخله الشك ان المهندس الاول ماغيرها 
اخواني اسلاك البواجي ac delco يتوفر منها درجتين وكلاهما أصلي وتباع في نفس الشركة ومحلات قطع الغيار وعلبتها متطابقة لكن يقدر الواحد فينا يميزها عن طريق الرقم القصير الى على العلبة 
الدرجة الاولى يجي رقمها 748HH او 748GG او 748KK او 748UU على حسب موديل السيارة وهاذي مصنعه في امريكا 
الدرجة الثانية يجي رقمها 9748HH او 9748GG او 9748kk او 9748UU  وهاذي مصنعه في ماليزيا 
((( الارقام متشابهه ولكن الفرق ان الماليزي مضاف له رقم 9 )))
طبعاً الماليزي اقل في الجودة وفي سماكة السلك وغير كذا مايتحمل اذا بعد فتره وغيرت البواجي راح ينقطع بمجرد سحبه وممكن لاحظتو اغلب المهندسين اذا جيت تغير عنده بواجي يطلب منك تغير الاسلاك ويعلمك ان السلك راح ينقطع بمجرد فكه

وفيه ملاحظة ثانيه في طرف اسلاك البواجي قطعه المنيوم وتعتبر بمثابة عازل بين السلك واقزوز العادم ولا تجي مع اسلاك البواجي الجديدة عند الشراء وغالبية الورش اذا فك السلك القديم يرميها مع السلك ولا يركبها في السلك الجديد وبعد فتره تحصل السلك متأثر بسبب حرارة المكينة والاقزوز 

هذا الى حبيت اوضحه لكم وإن اصبت فمن الله وإن اخطأت فمن نفسي وآسف على الإطالة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يبيض وجهك على المعلومه


up 1 down 0
lolo-ss 4514
قبل 8 سنه و 4 شهر



يا رجل انا مره دخلت سياره عندي عام 2004 لصيانة ابو جميل
المهم قبل لا اروح لهم بيوم غسلت السيارة بستم
اليوم اللي بعده دخلتها الصيانه
جاب لي المهندس اسلاك بواجي كلها غبار وزيوت رايحه فيها وقال عندك اسلاك البواجي تحتاج تغيير وقلت له ماني مغير وهاذي ماهي اسلاكي صارت مشادة كلامية وطلعت السيارة
يوم طلعت السيارة وافك الكبوت الا اسلاكي نفسها جديده مافيها شي عكس الاسلاك اللي جابها لي وارجع لهم وهوشه ثانية

ومن يومك سحبت على الصيانة كلها نصب في نصب


up 2 down 0
ابو راكان تبوك 956
قبل 8 سنه و 4 شهر



للفايده حول الوجوجه او الاحتكاك اثناء المشي
اللي بدفرنس التاهو. حصلت معي بتاهو ٢٠٠٨
توي شاريه ماشي فوق ال٢٠٠/ وانزعجت من الصوت
وظنيت انه كفر محبل. او فلنجه وبعد التأكد جيداً اصبح 
رمان الدفرنس البنيون. والحمدلله انتهت المعاناه
ع يد الميكانيكي مشعل العتيبي بالخرج ش الكفرات
وأطلعني ع الرمانات عباره عن اربعه رمانات
٣ بها نص عمر والرابع منفرط شبك الرمان وهو مصدر
الصوت وسبب الاعتلاج 
كما اخبرني ان العكوس والصووف جيده
حبيت انزل هذا النص لتعم الفايده. والسلام 


up 0 down 0
أبن حشيم
قبل 3 سنه و 8 شهر



الأخوه الكرام أرجو نقل النص الى موقعه الناسب
لعدم الخلفيه الكافيه في برامج الجوال


up 0 down 0
أبن حشيم
قبل 3 سنه و 8 شهر