أضف سؤال أو موضوع جديد          

اليوم موضوعي عن شي ضروري جدا لاي سياره قير اوتوماتيك ....

up 39 down 2
ماجد المطلق 10816
قبل 5 سنه و 11 شهر



.
تركيب مبرد زيت قير  للحفاظ على الاداء  مكونات القير  ......
.
صباح الخير او مساء الخير علي الجميع دون استثناء ....
.
.
اليوم موضوعي عن شي ضروري جدا لاي سياره قير اوتوماتيك ......
خاصه السيارات الثقيله والونيتات والصوالين والجيوب ......
.
مبرد زيت قير .......
طبعا قبل ما اركب المبرد على سياره خويي سألت كم شركه امريكيه بالمواقع وكذلك بالصنياعيه مختصه بالقيور وقطع تزويدها وتوضيبها هذا السؤال ( متى يكون الزيت حار لدرجة انه يضر القير )
.
طبعا الجواب كان .......
ان القير يختلف بالنسبه للحراره المثاليه للتشغيل الفعلي ......
للقير مثل الكلتشات .... الطنجره ....  طرمبة الزيت .. فلتر القير الخ  من 50 الى 70 درجه مئويه هذا المعدل الصحيح .........
.
طبعا بالنسبه للكلتشات ......
هنا تحتاج يكون القير في افضل حراره تماسك للكلتشات .......  اذا احتر القير اكثر من الازم فان القير مايعشق من الاول الي الثاني ...
.
ولو تلاحظون عند ارتفاع درجة حرارة القير لما فوق ال 90 اغلب القيور تضعف تعشيقاتها خصوصا القيور القديمه وايضا فالمواتر الجديده على حسب درجة حرارة القير ........
.
سؤال يتبادر لذهن الكثيرين  ...............؟؟؟؟؟؟؟؟
.
متى تبدا حرارة القير تاثر في عمره ..................؟
القيور تختلف من سياره لسياره ومن شركه لشركه ناخذ مثال بسيط من واقع مواترنا ....
معروف قير الجمس1500 ال 4 غيار من يوم خبرناه الى اليوم وهو قير سريع العطب والخراب
اسم القير 700 ......
القير هذا اسباب ضعفه كثيره منها قل الكلتشات وقل مساحة الاحتكاك من مايزيد الضغط عليها
.
نجي للقير الثاني ........
خليفة ال700 وهو 350
.
نخش بالموضوع بعد هالمقدمه .............
الموتر نوعه وانيت .... جمس سييرا 2011م ...
GMC SIERRA 1500 2011
.
القير ................
6L80E
6 غيار 5.7 لتر زيت وبعد المبرد 5.9 الى 6 لتر زيت
.
طبعا السياره مزوده بمبرد شد بلد لكن صغير والفايده الوحيده من وجوده هو اننا استفدنا من مواصير الزيت شد البلد احسن من لو كان الموتر بدون مبرد خارجي يحتاج لتمديد متعب ومكلف اكثر من لو كان شد بلد
.
معلومات ....
 مبرد الوكاله شد بلد ....
مبرد الوكاله عرض 11 بوصه وارتفاع 4.5 وعمق 0.75 بوصه
10 ريش مدمج مع الريشتين الي فوق والي تحت ريش الحمايه ......
.
مبرد القير الامريكي الموجود بسوق .... موجود انواع واحجام  واشكال من الشركات ....
المبرد الرياضي عرض 23 بوصه ارتفاع 7.5 بوصه عمق 1.25 بوصه
عدد الريش 13 ريشه بدون حساب الريشه الفوقيه والتحتيه حقت الحمايه
.
النتيجه بعد التركيب و التجربه .....
.
ماشاءالله تبارك الله ...
انخفض مستوي الحراره الي ربع وكذلك انخفاض في محرك السياره قليل ....
الحمد لله كل شي ركب تمام التمام
.
.
التكالفه الاجماليه .....
قيمة المبرد + الهوز = 650 ريال
قيمة المسامير = 15 ريال
.
وشغل اليد اذا بتركبها في الصناعيه بحدود 250 ريال الي 300 ريال
.
والى هنا وانتهى التقرير .......
.
ولاتنسونا من دعائكم ...............
.
.
تحياتي واشواقي لكم ........
فاصل ونواصل غدا بمواضيع جديده
.
ابومطلق ....
.
.
تابع الصور ....
.






























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم اخوي مبرد القير كم سعره وين احصله انا من الرياض وهل يركب للكماروss


up 0 down 0
عبدالله vur
قبل 3 سنه و 9 شهر



طيب لو ركبته يلغي ضمان الوكاله ؟


up 0 down 0
الجنوبي707 1
قبل 3 سنه و 8 شهر