أضف سؤال أو موضوع جديد          

أجمل ماقيل في الجمس وقصيدة من التراث 1

up 7 down 1
naac 2 2721
قبل 8 سنه و شهر



كنوع من التغيير وكسر الروتين اليكم هذا الموضوع المتجدد باذن الله وهو عباره عن قصائد وشيلات
في الجمس وخصومه 

الهافات الفروت
الدوج والعنترناش

وفي اخر كل موضوع قصيدة من التراث اشتهرت لكن لا يعرف قائلها 
-----------------------

قال حمد بن هادي المسردي -رحمه الله- في الجمس :

راكب اللي يقرب البعد لامنـه زمـا
جمس شكمانين توه من أمريكا ورد 

كن حس بلوفه مناقشة حزب علمـا
يدرسون محاضرات بجلسات جـدد 

فزته لا فـز كنـه بيصعـد للسمـا
مثـل حـراً مطلقـات سبوقـه للهدد 

كن فزيزه مرمي رمى لكن ما رمـى
فزه المطفوق وأخطاه وأرتاع وشرد 

لا عطا حزم الجلد يرتكز عجه كمـا
قنف غر مرزمة في مقاديمـه بـرد 

بنهمه فجر من العاصمة ثم أجهمـا
خاص ديرة هوى البال مركوز النهد 

الفطور شريق من بين شقرا وضرما
والغدا في حزم جاش بلا سابق وعد 


-----------------------

قصيدة من التراث :
قصيدة اشتهرت وتناقلها الرواة على مدار 100 عام واكثر بسبب ما فيها من حكمه وما تحث عليه 
من اكرام الضيف والجار وهي لها قصة مشهورة حدثت في البادية العراقية في منطقة اسمها "القبيسة" بالقرب
من بغداد

القصة بدأت عندما طلب شيخ قبيلة الدليم تسليم خصوم له لجأوا لقبيلة القبسة الصغيرة القليلة العدد
والتي تحدت قبيلة الدليم القوية والمسيطرة على المنطقة

لا تهمنا القصة بقدر ما تهمنا القصيدة وقائلها :

ياراكـبٍ حمـراً مـن الهجـن معطـار
مــا قـرِّبـتْ عـنــد العقـيـلـي تـثـنـا

تشبه قرانيس القطا حيـن مـا طـار
ملفـاك علـيّ الشيـخ زبـن المجـنّـا

أمـرٍ سديـتـه ياعـلـي مابـعـد صــار
جيتـوا تبـون ضيوفـنـا غـصـب مـنـا

رجّالـنـا يـفـرح لـيـا شـــاف خـطــار
يقـحـص لـهـم عَـجْـلٍ ماهـوب ايتـونـا

لاجـن يسـوقن السفـايـف والاكــوار
ولا لـوِّذن بـبـيـوتـنــا يـرجـهــنــا

أول قـراهـم مــن حلـيـات الأثـمــار
غـرايـسٍ طـلـعـة سـهـيـل أثـمـرنـا

وثـانـي قـراهـم دلــةٍ نـصـه بـهــار
ونـجـرن نلاعـبـه عـلـى كــل فـنَّــا

وثالـث قراهـهـم حـايـلٍ دوم تـنـدار
ومـنـاسـفٍ لضـيـوفـنـا يِـنـهـضـنـا

وش عذرنا من لابس الخصر وسوار
الــلــي يــــرشن الــذوايــب بـحـنــا

ولـيـا عطيـنـا ضيـفـنـا مـالـنـا كـــار
نصـيـر عــن زيــن المضـايـف بعـنّـا

ترى الخوي والضيف والثالـث الجـار
مثـل العمـل مابيـن فــرضٍ وسـنـا

وعـيـبٍ عليـنـا ضيفـنـا تلحـقـه نــار
وايـمـانـنــا لـسـيـوفـنـا يـقـضـبـنــا

والـلـي زبـنّـا زابــنٍ ضـلـع سنـجـار
والحـرب نرسـي لـه لـيـا ثــار حـنـا

تسعيـن ليلـه واشهـب الملـح بثّـار
وقــت المـنـام يطـيـر الـنــوم عـنــا

محمـد بناهـا واودع الـسـور مـنـدار
وهلهـل علـى درب السلامـه وغنـا

قائل هذه القصيدة هو الشاعر صقار بن مهنا القبيسي

-----------------------
















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خايف من الجمس والعسكر     خطير الجمس له معلقات كثيره في الشعر المعاصر


up 2 down 1
فتى النرجس -89
قبل 8 سنه و شهر



وكما قال يوسف بن محمد 
وكذلك غناه عيسى 

موجوده باليوتيوب



اشهدوا للجمس ياللي تعرفونه 

من عقب ماشاف المسافات الطويله 

الخ الخ 


خخخخخخخ
بدينا بالشغل السنع 




الساعه كم 



up 2 down 1
مدرس عاطل 4
قبل 8 سنه و شهر



ههههههههههههههه

والله مدري بس فجأه حسيت اني الشرهان 
الله يستر توني ماخذ شاهي من محطة على طريق القصيم


up 2 down 0
naac 2 2721
قبل 8 سنه و شهر



كفو هاذي السيارات التي تمدح وترفع الراس
النوم زين يااخوان هههههههههههههههه


up 1 down 0
رايق السيارات 588
قبل 8 سنه و شهر



الاكيد أن الجمس مادرى عنه .. لو أنه كاتب قصيده في الرسول : عليه الصلاة والسلام كان أحسن له 


up 1 down 0
عادل - 3adel 513
قبل 8 سنه و شهر



يلبا التشارجر ههههه<<<<<<بنجلد 


up 1 down 3
اهمد 1201
قبل 8 سنه و شهر



صح لسانك

يستاهل


up 1 down 0
ابوووجووود 273
قبل 8 سنه و شهر



ياعسكر جاكم هتلر دقوله تحيه:-):-):-) جاكم وصناعته امريكيه
ياسمونه جمس ونسميه ابو عبر :-):-):-) مثل صناعته على التاريخ مامر
يمشي الميتين ومايبي الى سرعه جنونيه:-):-) شرق وغرب وشماليه وجنوبيه 
كلها تشهد له من قوة اشتكى منها الحجر:-):-):-) مايهب الطريق الوعر وبيض الوجه بالسفر
وسلامتكم .احمد السهلي
ملاحضه  .سوفا نحكم العالم يابني 


up 1 down 2
اهمد 1201
قبل 8 سنه و شهر



ياركب اللي جاهز(ن) للمطاريش= جمس(ن) حمر كم طرشةً قد طرشها 
عليه سواق عيونه مغاطيش = شايب ومبطي في عيونه غطشها 
يمشي من الحوطه بوقت المغابيش = وعبا من اطرف شيشه من شيشها 
وعدل رفارف موتره بالشواكيش= وتله على الخط الشمالي جمشها 
واليا ترادى جريها قال ذا ليش؟= دبل لها ثم بالثلاثه نعشها 
واليا ذكر له مركز(ن) فيه تفتيش = خريت كم من غبشةً قد غبشها 
مجرب مسرى الغداري مع الحيش= ولو داس له بيضة حمّره مافقشها 



up 0 down 1
بلاكي 165
قبل 8 سنه و شهر



ياركب الي صممته الولايات///الي امريكا فالمصانع تصبه 
تصميم شركة كلهان الخواجات///مورده من نيويورك ونصبه 
اكبر مكينه سقطت للونيتات///خمسه صفر واحد ودبه ودبه 
مايصدر الا عن طريق الوزارات///حتى سبيراته تجي في صطبه 
بالجدول السري خذته الوكالات///مديرها وقع وعاهد بربه 
صدفه طلع بالواسطه والحيالات///ثم قيل ياسواقه اخذه وغبه 
ساعة فتح بابه عطوه السويكات///شغل وللما مع قزوزه يكبه 
قام يتسمع وش تقول القزوزات///لاهي تقول ابغاك ماماوببه



up 0 down 0
بلاكي 165
قبل 8 سنه و شهر







راكب الي ماتجيبه وكالة بالبيد

ولايجيبه بهبهاني ولا وضيحي قطر

ادهم وسم الجميح على جنبه جديد

مهبل الي يوم عرض يحسبنه شفر

جمس شكمانين وملقبينه با الوليد

من سرابه ما يغبط القصيبي والجبر

كاتبين في ضمانه حديده ما يبيد

تمرةٍ قاري عليها حفيد ابوبكر

كن وجهه لانطحته تشعشع يوم عيد

وانقفيته كنه السيل لاسال وحدر

وان عرض لك في مزاياه من عنق الفريد

وان ركبته تحسب انك على سطح القمر

دقته نغمة عبادي على سلم فريد

لا عزف الاول وجاوب عاشر وتر

لاشتغل قالت شكامينه اركد يا حديد

والقزوز تقول للقاع روح يا فقر

كن في الشكمان الايمن صدا عبد المجيد

وكن في الشكمان الايسر صدا نايف صقر

والبلوف تقول للكهربه هل من مزيد

والسيور تقول للمروحه اين المفر

كل اغانيهم علىدرب واصل يا عنيد

لين تلفي قصر شيخ على العليا شهر

سايقه من صلب ربعي وله باس شديد

ما يخاف البعد والليل والموت الحمر

من صناديد ال عرجا هل العلم الوكيد

لابة من جن تمشي على هيئة بشر








up 1 down 0
آبورسيل -5
قبل 8 سنه و شهر



رغم أني لا أكترث ولا أجد أي فائدة من طرح القصائد على المركبات اللتي لم تصنعها أيدينا ولم نساهم فيها بشي غير أننا نستهلكها فقط فقط فقط ..



إلا وأن قصيدة أبو رسيل راقت لي جدا وأقوله صح لسانك ولسان رآعيهآ .



شكرا صاحب الموضوع


up 1 down 0
أبو سـيـف 214
قبل 8 سنه و شهر



احلى شي ان الصخر اشتكى من قوته


up 0 down 0
رايق السيارات 588
قبل 8 سنه و شهر



حمد هادي المسردي القحطاني هذا جدي رحمة الله عليه الله يسكنه فسيح جناته ويغفر له 


up 0 down 0
راكان-505 7169
قبل 8 سنه و شهر




معي جمسن رفارفه يوم تصفق بالمطباتي
كم ردوف بنتن من النعمه تدربيها


up 0 down 0
meezar 221
قبل 8 سنه و شهر



صح لسانكم جميعا وتتاهلون لشاعر المليون بإذن الله والسلام خير ختام


up 0 down 0
اليل والخيل -156
قبل 8 سنه و شهر



انشهد ان مابعد السييرا سياره  يارب ترزقنا بس  ويرزق الجميع  انشاء الله 


up 0 down 0
الوفى طبعي ١ 10
قبل 7 سنه و 4 شهر



كتبت قصيده طوييييييييييييييييييييييييييييييييييييييييييييييييييييييييييييييييييييييييله وراحت علي لعن الله  ابوها ابشروا بالعوض


up 0 down 0
الزهيري 454
قبل 5 سنه و 3 شهر