لاصحاب السوبربان مجموعه اسئله هااامه

المكينه مدري كم مقاسها لكن 6 مسمار

السلام عليكم
البنزين انا احط له اخضر وماشاء الله 100% من سنين مالاحظت اي شي قوه وتوفير
الزيت صراحه نسيت لكن تشري 6 علب مع السيفون خله يعبي خمسه مع السيفون  ويشغل ويطفي ويتركه
لعشرة دقايق ويشوف كم يزيد بعد ماتركه يركد 10 دقايق

لاتسوي له تصفيه اذا ماكان يحتاج لان الورش حقين الفحص دايم يكتبون تصفيه والسياره تكون وكاله
لكن ان كانه مو صافي رح لمركز الهويريني طريق ال 100
إسأل عن عمران الباكستاني انا اعرفه من سنين الله يوفقه يخاف من الله
وان ماعرف يقول لك ما اعرف 
الكفرات عبها 35 فقط اريح 
40 تكره السياره تصير تنقز ولاتحس بالسلاسه 
انا عن نفسي اعبيها 29 فقط  الى 31

انت يمكن عندك خلل بالفرامل اما  ؟؟؟ او الفحمات تجاريه 
او خلل مثل ماقلنا
فرامل الامريكي اقرب الى الالماني 
افضل من الياباني بالف مره
رح لعمران وخله يشوف لك
انا دايم اركب عنده وماشاء الله كني راكب بي ام بالفرمله
المكيف اختصر لك
الدائره اللي على اليسار تطفي
والتشغيل اظغط على اوتو auto واذا جاك الهوا عالي نزله من اللي مرسوم عليه مروحه

ان شاء الله يكون ردي شامل 
ولاتنسانا من صالح دعائك
اخوك السهل الممتنع

السهل الممتنع ما قصر 

بس كان عندي يوكن اكس الطويل موديل 2004 والفرامل تمسك لكن الياباني أقوى

انا جربت كامري 2005 وفراملها اقوى من جمسي 

الجمس فرامله ما تمسك بقوه لموديل 2006 وتحت اما 2007 وفوق تمسك

السهل الممتنع انا مركب فحمات ايس ديلكو ب 230 ريال

ابو خالد هذي علتي انا معي كامري ومعي الجمس والكامري ماشاء الله من تلمس الفرامل تركع السياره

اما الجمس لازم تضغطها كامله ولفتره بعد

هلا بك يا د.حراج

دام المكينة 6 مسامير فـ هي 5.3 لتر يعني عب 91




بالنسبة لـ الزيت كان معي يوكن 2001 جالده جلد وكان ينقص زيت واعبيه 6 علب مع السيفون اصلي من بالبيد


التصفيه ماعندي علم والله



اما الكفرات حاول ماتزيد عن 35




والمكيف بسيطه عندك زر المراوح اضغط الزر اللي فوق يشتغل اضغط اللي تحت يقصر للمروحه سهل مره

والله حاله !!!!!!!!!!!!!!!
الكامري صارت احسن من فرامل الجمس ؟؟؟؟؟؟؟؟؟؟؟؟؟
استغرب من بعض الاخوان اللي ماجربوا فرامل الجمس الاصليه

اخوي اكيد عندك خلل او الفحمات مغشوشه 

عندنا جمس 2002 اقسم بالله فرامله قوية ماشاء الله وتمسك بسرعة 
يمكن الABS عندك فيه مشكلة 

حبيبي المكيف في زر مكتوب فيه أوتو هذا اضغطه يشغل المكيف على حسب درجة الحرارة اما المروحة والسهم فوق وتحت فهذا يعلي المكيف ويوطيه واما الدائرة فتطفيه 

نصيحة للي يشتري قطع غيار اسيديلكو سواء فحمات وﻻ غيرها  فيه درجتين الدرجة الثانية صيني والدرجة الاولي مكسيكي

اهلا



انا مريت بتجربتك لما شريت التاهو 2004


بصراحه تعبت على ما استوعبته


* البنزين يقولوا انه مكتوب بدليل المستخدم انه 91

ولكن اكثر الناس نصحوني بـ 95

ومنهم اخي شغال في احد المديريات و حصل عندهم ان سيارة الحكومه الي يستخدمها المدير فيها تفتفه

وبعدها طلب ان يغير البنزين الى 95 و انتهت المشكله


* بالنسبة للزيت :

اي نوع جيد اهم شي يكون لزوجته 5-30 كما هو مكتوب في غطاء المكينة

انا اشتريت من الجميح 6 علب نوع اي سي ديلكو بسعر 23 ريال للعلبه

ولكن استخدمت 5 و ربع لأن الفلتر الي ركبته صغير اما ادا كان نوع الكبير اتوقع ياخد 6 علب


* تصفية المكينة : ما تحتاجها الا ادا كانت السيارة فيها ثقل في القومه


* الكفرات : انا عبيتها على 35 ولكن ما ادري ايهم افضل ولكن عندي 35 افضل


* الفرامل انا ما غيرتهم ولا ادري عنهم ولكن بشكل عام لا تقارن بين سيارة كبيرة و سيارة صغيره في الفرامل


سيارتي احس ان الفرامل عادي ما تتأخر كثير ولكن تحس بثقل السيارة عند الفرامل المفاجئ

او عندك مشكله في الفرامل


* المكيف : اول ما تشغل المكيف تضغط على اوتو او على المروحة ^ ويعمل المكيف وكلما زدت عدد الضغطات ^ زاد قوة دفع الهواء

الفرار اليسار تحركه يمين لتقليل درجة البروده و تحركه يسار لزياده درجه البروده انا حاط على 20

الفرار اليمين مثل اليسار و لكنه خاص للراكب تقدر تغير درجة البروده له

انا عندي اول ما اشغل المكيف يكون الهواء على القدمين اضغط على الزر الي اسفل ( زر اوتو ) مرتين و يكون الهواء في الوجه

اما اطفاء المكيف اضغط على زر ( O )

السلام عليكم ورحمة الله وبركاته 
اخواني معي جمس 2005يوكن طويل XLدبل الشنطة بيبان
خربت الفرامل وغيرت كل شي جديد اقمشة هوبات باكمات كليبر هودروليك بوستر وكلها وكاله
وللحين الفرامل ضعيفة مرة والدعسة نازله يعني ماهي مليانة ولنبة الحساس شغالة والشاشة تقول يجب
تصليح الفرامل
انا شاك انهم ماعرفوا يوزنوا الفرامل(التنسيم للزيت) 
والله خسرت اكثر من 6000ومافي فايدة
ملاحظة 
ماعندنا ورش كويسة متخصصة بالامريكي
ارجوا الرد او بحرق سيارتي

السلام عليكم ورحمة الله وبركاته 
اخواني معي جمس 2005يوكن طويل XLدبل الشنطة بيبان
خربت الفرامل وغيرت كل شي جديد اقمشة هوبات باكمات كليبر هودروليك بوستر وكلها وكاله
وللحين الفرامل ضعيفة مرة والدعسة نازله يعني ماهي مليانة ولنبة الحساس شغالة والشاشة تقول يجب
تصليح الفرامل
انا شاك انهم ماعرفوا يوزنوا الفرامل(التنسيم للزيت) 
والله خسرت اكثر من 6000ومافي فايدة
ملاحظة 
ماعندنا ورش كويسة متخصصة بالامريكي
ارجوا الرد او بحرق سيارتي

ابو لمى الكميت نفس مشكلتي هي دخل لجهاز ال ABS هواء لازم واحد ينسملك الهواء ويكون فاهم انا بسوي طريقه اذا ظبطت بعطيك ايهاها