أضف سؤال أو موضوع جديد          

بحث علمي لاسباب اختلاف سرعات الجموس الموديلات القديمه 3 غيار

up 13 down 4
gmcbigblock 620
قبل 8 سنه و 6 شهر



السلام عليكم ورحمة الله 

الاخوه الاعزاء اعضاء هذا المنتدى الغالي يسرني تقديم هذا البحث العلمي المتواضع لاسباب اختلاف سرعات الجموس الموديلات القديمه 3 غيارات
وحبيت اطرح هالموضوع اللي كثرت فيه الاقوال 
انواع القير للجمس, وانواع الكرونه للجمس, 
وانها هي السبب الرئيس في عزم السياره وسرعتها وراحتها على الخطوط مع السرعات العاليه
اولا: بالنسبه للقير 
كثير من الشباب قالوا ان القير له علاقه بالسرعه والنفس الطويل والخ,,,,"
الحقيقه ان جميع قيرات الجمس القديم 3 غيارات سرعتها وحده اللهم الاختلاف في الارقام و السنه تجي ناعمه وتجي خشنه فقط لاغير
وهذا له عدة مبررات منها سنوات الصناعه ومنها اغراض تجاريه لصالح الشركه الصانعه ووو ,,, والخ.
طريقة الفحص: تشوف لك قير مفكوك على الارض وتعشقه في الغيار الثالث "اخر تعشيقه"
فر العمود الامامي للقير دوره كامله بالضبط راح تحصل نفس الدوره بالتمام من عند العامود الخلفي اللي يشبك في عمود الدوران
.................................................. .....................
ثانيا: بالنسبه للكرونه فهي كل شي في الجمس من ناحية السرعه لاختلاف احجامها والحديث عنها يطول ويطول :
اولا: احجام الكرونات والبنيون:
1- كارونه مقاس 45 على بنيون 14 وناتج قسمتها 3.2142857
4-كارونه مقاس 41 على بنيون 12 وناتج قسمتها 3,416667
5-كارونه مقاس 41 على بنيون 11 وناتج قسمتها 3,7272727
2- كارونه مقاس 45 على بنيون 12 وناتج قسمتها 3,75
3- كارونه مقاس 45 علي بنيون 11وناتج قسمتها 4,0909091
6- كارونه مقاس 41 على بنيون 10 وناتج قسمتها 4,1
7- كارونه مقاس 41 علي بنيون 9 وناتج قسمتها 4,5555556
8- كارونه مقاس 41 على بنيون 8 وناتج قسمتها 5,125
"للامانه موضوع حجم الكرونات لاحد الاخوه على الرابط ادناه"
http://www.gmc502.com/showthread.php?t=1250
"قاعده: كلما زاد عدد سنة البنيون على الكرونه كانت السياره اسرع واريح واطول عمر للمكينه واقل للعزم واستهلاك الزيت والبنزين"
.................................................. .....................
ثانيا: طريقة معرفة حجم الكرونه والبنيون الموجوده في سيارتك: 
ترفع الدفرنش من جهه واحده وتفر الكفر دورتين كاملات بالضبط
تبي تقول لي ليش دورتين وليست دوره: اقولك لأنك جالس تفر كفر واحد من جهه واحده فقط
وراح يطلع لك بالظبط نفس ناتج قسمة الكرونه على البنيون مثال:
45/14=3.21
يعني راح تحصل ان العمود فر 3.21 دورات
لاتنسى وضع علامه على الكفر وعلى العمود
.................................................. .....................
ثالثا: القاعده الحسابيه لمعرفة السرعة على حسب حجم الكرونه 
نبدأ خطوه خطوه بالتفصيل الممل:
بعض التعاريف:
نسبة الكرونه وتعني عدد سنات الكرونه / عدد سنات البنيون= نسبة الكرونه
مثــــــــــــال : 41/12=3.41 يعني نسبة الكرونه 3.41
وتعني كل 3.41 دوره لعمود الدوران يعطي دوره واحد فقط للكفر والقاعده تنطبق على باقي الكرونات
2- RPM وتعني Rotation per Minute وتعني بالعربي دورات المحرك في الدقيقه
3- كما ذكرت سابقا حسب تجربتي الشخصيه فان سرعة عمود الدوران تساوي سرعة المحرك 100% عندما يكون القير في الغيار الاخير 3 هذا بالنسبه للجموس القديمه 3 غيارات
4- حسب معلوماتي ايضا ان الجمس القديم تقريبا اخر RPM له هو 5000 او 5 وربما زاد قليلا على ذلك
5- مساحة الكفر السلك تقريبا = 250 سم /100= 2.5 متر
ـــــــــــــــــــــــــــــــــــــــــــــــ
فاذا اردنا معرفة سرعة الجمس على حسب الكرونه الموجوده فيه نعمل العمليه الحسابيه التاليه:
القاعده: عدد دورات المحرك في الدقيقه/نسبة الكرونه x مساحة الكفر بالمتر xد 60 دقيقه = السرعه بالمتر/1000= السرعه بالكيلو متر
مثال: على كرونة 41/12
مثال1-5000rpm / نسبة الكرونه x 3.41 مساحة الكفر 2.5متر x د 60 دقيقه = 219,941 بالمتر/1000= 219 كم/الساعه
مثال 2- 3000rpm / نسبة الكرونه x 3.41 مساحة الكفر 2.5متر x د 60 دقيقه = 131,964بالمتر/1000= 131 كم/الساعه
مثــــال اخر على كرونة 41/9
مثال 1- 5000rpm / نسبة الكرونه x 4.55 مساحة الكفر 2.5متر x د 60 دقيقه = 164,835 بالمتر/1000= 164 كم/الساعه
مثال 2- 3000rpm / نسبة الكرونه x 4.55 مساحة الكفر 2.5متر x د 60 دقيقه = 98,901 بالمتر/1000= 98 كم/الساعه

وهكذا العمليه الحسابيه لباقي الكرونات.
................................................. .....................
رابعا: 
بناءا على القاعده الحسابيه لمعرفة السرعة على حسب حجم الكرونه
سويت العمليه التاليه لسرعة الجمس على RPM 5 لاكثر انواع الكرونات المشهوره كالتالي:
كرونة وبنيون 45/14 تعطي سرعه 233 كم/الساعه على rpm5
كرونة وبنيون 41/12تعطي سرعه 220 كم/الساعه على rpm5
كرونة وبنيون 41/11تعطي سرعه 200 كم/الساعه على rpm5
كرونة وبنيون 41/10تعطي سرعه 183 كم/الساعه على rpm5
كرونة وبنيون 41/9 تعطي سرعه 165 كم/الساعه على rpm5
كرونة وبنيون 41/8 تعطي سرعه 145 كم/الساعه على rpm5
ودمتوم بخير...

"" الموضوع منقول للفائدة""









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ايه قبل كم يوم اخذت جمس بهبهاني 82 المكينه الصغيره 350 ياشيخ تعشقه با الثالث ويمد معك تحس انه خمس غيارات 

يالبيه يا البهبهاني راح زمان القير العادي وجانا ( بابا احطها با ال D وما تمشي ) 

هههههههههههه 


امنيتي سيرا قير عادي 


up 8 down 5
دحيم٧٧٧ 2205
قبل 8 سنه و 6 شهر



الله يفك الاستيراد بس


الاسعار غليت والله


up 5 down 0
saeed7 221
قبل 8 سنه و 6 شهر



مسا الخير امممممممممممممممممممممممممممممم

بصراحه يا خوي فريت مخنا فرررررررررررر 
وش ذا الحسابات 
بس مشكور ع المعلومات 
بس لو ذكرت كل كرونه على اي نوع من الجموس تجي كان 
حلووووووووووووو يا حلو

تحياتي واحلى لايك


up 3 down 0
التسعاوي79 221
قبل 8 سنه و 6 شهر



الجموس سياره سياره يعشقها اللي ركبها .. وعرف استخدامها .. وهي سياره داخل المدينه وبالخط الطويل وقطعها رخيصه


up 2 down 0
مستريح البال 1 1780
قبل 8 سنه و 6 شهر



الله يعطيك العافيه الجموس القديمه وحش بالخط وقتها ولا لحد الان لها هيبتها بعضها خاصه اذا 454 
بالنسبه للكارونه معروف انها لهادخل بالعزم كل ماطلع رقم الكارونه القومه افضل لكن السرعه اقل وكل ماقل رقم الكارونه القومه ضعيفه لكن بالخط يمد معاك 


up 1 down 0
princ 18873
قبل 8 سنه و 6 شهر



السلام عليكم جميعا
حبيت استفسر عن نوع الجموس 

ايهما افضل 
الكربريتر العادي او الكهربائي 
وهل يؤثر على سرعة السياره 
ولكم جزيل الشكر 


up 0 down 0
مسلم السبيعي
قبل 8 سنه و 2 شهر



مشكووووووووووووور


up 0 down 1
عبووود ال عبووود 111
قبل 7 سنه و 6 شهر



السلام عليكم
لا هنت ابي انشدك عن الكرونة المناسبة لجمس ٩٥ قطع ٣٥ دفرنسين دبل قير


up 0 down 0
الدوسري454
قبل 6 سنه



ابي اعرف هل كرونة ذي تركب ع مديل 2006 ثمانيه مسمار 


up 0 down 0
xالحمدللهx
قبل 4 سنه و شهر



اقصد الكرونات ذي 


up 0 down 0
xالحمدللهx
قبل 4 سنه و شهر



السلام عليكم وش افضل قير لسحب الكرفانات جمس سوبربان موديل ٩٠ مكينة 350


up 0 down 0
waleed silan
قبل 2 سنه



ياريجيل معي سوبربان جمس 90 حجم 454 اذا حطيته ب الدي هذي تبديله وبعدها يبدل وحده يعني تبديلتين هل هذا هو ولالا ؟  





up 0 down 0
اخو جزعه
قبل سنه



ايش الفرق بين العكس البارز والعكس المخفي وكيف اميز بينهم في الكارونه


up 0 down 0
دحيممممممم
قبل 8 شهر و 4 أسبوع



انا اقول غير صحيح صحيح


up 0 down 0
classic_506
قبل شهر و 3 أسبوع