اداب الوقوف عند الاشارة ابي مساعدتك

 وعليكم السلام والرحمه ,, ولاتنسى تضيف نقطه بعد ( خلك في حالك ) بعضهم الله يهديه عند الاشاره شوي ويقلط عندك من زود لقافته ,, والبواري بعضهم الله يهديه من يوم يجي رقم الاشاره ع 5 بدء يضرب بواري !!  والله يعطيك العافيه .

6-اذا لمحت جنبك سيارة فيها عائلة قدم سيارتك عنهم شوي وغض بصرك.

6- عدم الوقوف على المسار اليمين وانت تبي تروح سيداا

واذا في اسعاف وراك امشي لا يوقف ترا حياة الناس في بيدك !! 

ولك اطلق لايك

احلى المشاعر جبت اهم ما بلموضوع

@@@@@@@@@@@@@@@@@

9- في وقت إنتظار " إخضرار الإشارة " .. اقرأ شئ مفيد .. رآجع كتاباً .. استمع إلى شريط مفيد .. أذكر الله .. احفظ شئ من القرآن .. آية .. آيتين .. ستجد أنك خلال أسبوع قد حفظت كمّ هائل من الآيات ..

أذكر الله وأسمع شئ مفيد نعم, أما اقرأ أي شئ لا أتفق معاك حتى لو كان كتاب الله عزوجل, فالسائق مطلوب منه التنبه والتركيز على القيادة ببصره.

جزاك الله خير يا بو عبدالرحمن

أنا بلخص لكم الآداب-عن إذن صاحب الموضوع-وحاول تحط النقاط مرتبة مثل كذا::

1-سيارتك كبيرة خلك ودود مع سيارات الصغار
2-سيارتك صغيرة تحمل يللي يجيك من السيارات الكبيرة
3-اسمع المسجل لحالك لا تخلي الناس يسمعون المسجل-لأسباب كثيرة-
4-بوقت الزحمة داوم على الإستغفار والتسبيح وهذي النصيحة موجهه لأهل الرياض
5-إذا بتروح مسار معين خلك عليه..مثلا بتلف يمين خلك عاليمين لا تروح يسار ثم يمين
6-لا تسرع فالموت أسرع.                                                7-خلك في حالك
8-إذا في إسعاف أو دورية وراك فلابد توخر عنه
9-حاول تدور لك طريق أقل ازدحاما وأقل حفر<<<<هذا إذا لقيت طريق خالي من الحفر
10-احترم الطريق فلا تزجعهم فالبوري والزنون
11-إذا بتسافر سيارة أفضل لك في الليل أو قبل فجر
ونام زين لأنك وراك سفر واذا مانمت ممكن تنعس ولا سمح الله يصير لك حادث
12-إذا أنت ماتمشي بسرعه لا تصير بمسار الأيسر يا تصير بالأوسط أو اليمين لأن عندنا صواريخ يشطفونك من سرعتهم


هذي يللي أقدر أذكرها وأعتذر لصاحب الموضوع وأعتذر لراعين الردود لأني خذيت شوي من عندكم

@@@@@@@@@@@@@

أبو العمامير .. لما تكون أنت واقف بالإشارة .. رآح تكون سايق السيارة ولآ واقف ؟!!


طيب ودّي أسألك سؤال متى آخر مرّة كلمت بالجوال وأنت سآيق السيارة ؟ ( لآحظ إلى الآن ما جينا على نقطة كلامك بالجوال وأن واقف بالإشارة !! ) ..

هذا غير إنشغآلك بـ دخولك للوآتس ودردشتك مع الشباب .. وهذا غير دخولك بالنت عبر الجوال .. وهذا غير السوآليف إلي تكون مع إلي بجانبك ..



موفق للخير : )

أبو عبدالرحمن: إنشغال السائق ببصره ونزول راسه سواء للجوال أو لصحيفة أو كتاب بيأخذ من تركيزه اللي مفروض يكون على الإشارة عشان لما تخضّر ما يعطل خلق الله وراه ويضطرهم يضربوا بواري وممكن ينال اللعنات ويفتعل مشكلة.

قراءة القرآن تحتاج لتدبر ..



"ماجعل الله لإمرئ من قلبين في جوفه"
حسن النية ليس مبرر للأعمال الخاطئة, زي اللي يصلي الجمعة ويقفل الشارع!

موضوع جميل   تشكر عليه وكم لآيك

مايقهرني كثر اللى يجي من يمين ويعترض قدام السيارات 
والثاني اللى يوقف يمين و يخلي مجال صغير للى بيلفون يمين
والثالث اللى يفتح الباب و ....... تكرمون ياخي عند هالاشارة تشوف حركات تقول الله يخلف بس

اضف إلى ذلك اذا مروا نساء يمشون على رجولهم امامك اطفئ النور عشان ما يكشفهم ولاتسلط النور عليهم

6- لاتدخل اصبعك بخشمك وتنقب عن البترول :)