أضف سؤال أو موضوع جديد          

اسعاف يصدم سيارتين وينحاش

up 8 down 4
كروز_وبس 1043
قبل 6 سنه و 7 شهر



السلام عليكم

كيفكم يا اخوان ان شاء الله تكونون بخير
اليوم وانا على طريق الدائري الشرقي في الرياض كنت طالع من البيت متوجه لأحد المقاهي بجانب جامعة الامام محمد بن سعود ابي اقابل احد الشباب و الطريق كان مزدحم والسيارات فوق بعض من الزحمة المهم كنت ماشي اقصى اليسار وبعد ماصار الطريق يمشي على خفيف سمعت صوت سيارة اسعاف طبعا اول ما سمعتها اخذت يمين على شان ابعد عن طريقها ممكن تكون معه حالة ولا شيء هذا اللي فكرت فيه وكان قدامي قبل ما اخذ يمين راعي لكزس ب50 من عمره ويحاول يأخذ يمين على شان يفتح الطريق المهم ماقدر وكل محاولاته تفشل من الزحمة اخرتها وقفت الخط كله اللي انا ماشي عليه على شان اخليه ياخذ يمين وتجي سيارة الاسعاف اللي حتى فرامل ما ضغط عليها ويصدم راعي الكزس من وراء وهو كان يبي يأخذ يمين المهم جاء يبي يمشي طبعا شاق راعي الكزس وقف فراح بدفه بسيارة الاسعاف الى ان وسع الطريق لنفسه ويدعس والناس ما تصدق على شافت الطريق فتح الا تلحقه وجاه وراه واحد حظه زفت طبعا صاحب سيارة الاسعاف خاف يصدم احد ثاني فصار يضرب فرامل بقوة كل ماشاف احد قدامه ما فتح له الطريق وطبعا راعي الكزس راح وراه فجأة ما سمعت التصوت ضربة قوية و اشوف لكم من بعيد سيارة الجيب المارسيدس صدمت الاسعاف من خلف و صاحب الاسعاف ماوقف لان معه حالة او الله اعلم وش سالفته ويلحقه صاحب المارسيدس وطبعا وراه صاحب اللكزس

وصلت للمقهى وجلست ساعة ثم ركبت سيارتي ابي ارجع للبيت و اتفاجئ بان صاحب سيارة الاسعاف موقفه المرور وعنده كم سيارة ومن ضمنها السيارة اللي صدمها قبل كذا ولا اعرف ليش وقفه

في هذه الحالة من يكون غلطان صاحب الاسعاف ولا السيارات تللي صدمها وليش المرور وقفه ؟
الله اعلم ولا كن انتبه ماتفتح الخط لسيارت اسعاف لانك بتأكل صدمه منه غير متوقعة

شكرا لكم لمشاهدتكم الموضوع واسف للأطالة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياأخي فيه نااس يستاهلون الدعس مو الصدم وبس !! اليوم صار حادث دهس عند شارع الظهران في السيد الثاني والاسعاف وراي والسير قدامي موقف !! المهم ان الشعب كله قدام موقفين يناظرون السيد الثاني والاسعاف ورا يبغاهم يفتحون له الخط !! اشوف ان الاسعاف يحق له يصدم اي واحد مايفتح الخط او  جالس يتفرج ع الحادث ..


up 11 down 0
ابو سعود629 4706
قبل 6 سنه و 7 شهر



واحد من العيال صدمه الاسعاف وراح ووقف خويي ينتظر المرور شوي اﻻ الاسعاف رجع له وتنازلوا عن بعض لاه كان عنده حالة طارئة وقدر جيته لو انه غيره كان مارجع


up 4 down 0
ابوابراهيم ksa 1389
قبل 6 سنه و 7 شهر



لازم سواقين خاصين بدل هالغشم اللي حاطينهم


ههههههههههههههههه فلم مكسيكي هذا 


up 1 down 0
abo3tb 511 1736
قبل 6 سنه و 7 شهر



من حقه راعي الاسعاف معه ناس بيمتون وهاذا يتمشى ...

دايماا اشوف ناس زي كذا خاصتنا عند الاشاره يجيك مرور او اسعاف او دفاع مدني الخ ..

ولا يتحرك ابداا .. موب ينصدم وبس ودك ترقى فوقه


up 6 down 0
اسير الاحساس 22
قبل 6 سنه و 7 شهر



الله يعين والله العظيم اني اخاف كل ما شفت اسعاف على الطريق انه يصدمني لذلك افتح له الخط اهم شيء حياة الناس والسيارات حديد في حديد وممكن يتصلح ولاكن حياة الانسان ما تتصلح 


up 2 down 1
كروز_وبس 1043
قبل 6 سنه و 7 شهر



العتب على الناس اللي ما يهتموا لما يشوف إسعاف وراه ، كل همه يلزق وراه عشان يطلع من الزحمه ، لو فكروا 
وتعوذوا من ابليس وتخيلوا إن الاسعاف هذا شايل شخص عزيز عليهم او احد اقربائهم كان تعاونوا معه ،،،



up 4 down 0
abo hwas 154
قبل 6 سنه و 7 شهر



والله يا اخواني قد حصل معي موقف كنت واقف عند الاشارة قرب نادي الهلال واذا بكامري يكبس ويضرب وراي والاشارة حمراء قلت اية هين وين تبيني اروح اصبر لين تصير خضراء واذا هو ينزل من السيارة وقال لي حالة طارئة وفتحت له وقطع الاشارة متجه لمستشفى الامير سلمان وذهبت الى الطوارىء ووجدت سيارتة والله ثم والله لقد تندمت على فعلتي
فيا اخواني افسحوا المجال للاسعاف خصوصا والى جميع السيارات التي تراها مستعجلة واحسن الظن


up 2 down 0
شليطيح 5019
قبل 6 سنه و 7 شهر



المفروض الخطوط عندنا يوجد مسار مخصص للحلات الطارئه مثل الدفاع المدني الشرطه المرور الهلال الاحمر يكون بعد الخط الاصفر واي مواطن يستخدم المسار مخالفه دبل 


up 0 down 0
princ 18864
قبل 6 سنه و 7 شهر



والله يستاهل الصدم حياة الانسان مهي ارخص من حديد وذا على طاري الصدم ليه الاسعاف مركبين صدامات حديد 


اخ برينس اصلا الخط الاصفر مخصص للطوارئ ولكن مين الي يطبق النظام؟


up 0 down 0
asalami 2122
قبل 6 سنه و 7 شهر



المفروض جميع الطرق التي تنشأ جديده يكون فيها مسار للطوارئ إلى متى التخلف في تخطيط الطرق.


وبصراحه يستاهل اللي ماشي ورا الاسعاف وصدمه يستاهل


up 0 down 0
abu sadeem 85
قبل 6 سنه و 7 شهر



يخوي وااالله لو ان اللي بلاسعاف ابوك ولا اخوك كنت تسوى زيه واكثر لا سمح الله.. احنا ثقافه فك السير لسياره الاسعاف معدومه... والله يبعد عنا وعنكم كل مكروه


up 1 down 0
مستريح البال 1 1785
قبل 6 سنه و 7 شهر