انتبهو من نصب الشريطيه وعندي مشكله
10
2
إضغط هنا للإخفاء
السلام عليكم ورحمة الله وبركاته
يا اخوان انا شريت يوكن من الرياض ونصب علي شريطي الله لا يوفقه لا دنيا ولا اخره عساه للمرض الي يخليه يتمنا الموت لا يجيه
المهم اتفقت معه على السعر وطلعنا ورحت ووديته للفحص كمبيوتر طبعا غلطتي اني خليته هو الي يوديني لمحل الكمبيوتر طلع متفق معه المهم
المصري فحص وكان فيه لمت الاي بي اس شغاله قال هاذا حساس الاي بي اس الي قدام يمين يحتاج تغيير وفحصه المصري وقال نبي نطلع عليه نجرب الموتر والدبل وركبت انا قدام والمصري يسوق والشريطي ومعه عياله 2 صغار ورا انا قلت ابشغل المكايفات كلها اجربها وكان الجو عادي ماهو برد المهم شغلت الي قدام والخلفيات كلهن واخذ شوي قال بالله طف المكيف الي ورا خايف على الورعان من البرد ونا على النيه صدقته وطفيت الخلفيات وخليت الي قدام بس وكان الي قدام تبريده زين
ورحنا وجربناه ورجعنا وسلت المصري عن لمبة عن لمبت حساس الاي بي اس قال زي ما قال لك الرجال الحساس الايمن قدام
وسالته عن الكفرات متا مركبهن قال لهن 5 شهور جديدات
والاستبنه جديده توي مركبها
وقال الزيت لاتغيره توي مغيره والمهم تم وشريته ونقلته بالرياض ومن بكره مشيت للقصيم ويوم وصلت قلت ابغير الحساس وجيت الورشه قال ما يجي لحاله لازم كامل مع الفلنجه وسعرها 950 والمهم اخذتها وتركيبها 200
ويوم ركبتها ماطفت المبه وفحصوه كمببوتر طلع جهاز الاي بي اس كله خربان وسعره 3700 على ما اعتقد
والمكيف شغلته الي قدام بارد
والي ورا حار بالمره يطلع هوا حار بس
يوم كان يقولي طف المكيف عن الورعان نصاب ما يبيني ادري انه مايبرد
المهم وبنشرت علي الكفره الخلفيه وجيت ابركب الاستبنه وعيت تنزل محجره وغير وديت نفس الكفره
للورشه وصلحتها وطلع تاريخها 2010 يعني لها سنتين
يقول مركبها قبل 5 شهور النصاب
وبعد ماصلحت الكفره رحت للورشه اشوف وش مشكلة الاستبنه ماتنزل
طلع المكينه الي تشيل الاستبنه خربانه ومصديه لها حول 4 سنوات ما نزل والكفره قديمه
والمكينه حقت الاستبنه غاليه بعد
الزبده من الموضوع يا اخوان
نصيحه اذا احد شرا سياره لا يخلي راعي السياره هو الي يوديه الفحص
وثاني شي افحص اي شي لو انه عادي مثل الاستبنه
وثال شي وزبده الموضوع ابي اسئلكم وش مشكلة المكيف الخلفي حار
الي قدام ثلج لاكن الي وراح حار مره
طبعا الموتر مابه ثلاجه ورا ولا قدام وموديله 2000
الي يعرف المشكله لايبخل علي وكون شاكر له
واسف على الاطاله
إبلاغ
الردود
10
0
وسيارتك موديل 2000
بس الغلط منك ماسقتها وفحصتها ولفلفت فيها
عموما الخساره بالعمر مو بالمال ,
وبالمسبه للنصب ف هينه انشاء الله والله ييسر امرك ,
ناس راحت سياراتهم ولا لقوها
لاتدعي بكل ذا الدعا على الرجال احس انه كثير عليها ,
وسلام عليكم ,
5
8
7
2
والله ما أعرف كيف الواحد يتهنأ بفلوس حرام ويؤكل عياله مال حرام
2
0
اقسملك بالله اني توني جاي من الورشه اليوم وصارف فوق 6000 ريال على سيارتي لان موديلها قديم 2001 وطبيعي تطلب بعضالقطع وبها خرابات وتذكر ان القناعه كنز والخساره بالعمر وليست بالمال وفقك الله
6
4
وفيه سعوديين نصابين ومايخافوا الله ومهايطية ودك تدعس بالجزمة عليه وفيه طيبين ويخافوا الله
فلا تعمم ترى بتكسب ذنبهم ولاتعمم
6
6
الخساره بالعمر \ العيوب الضاهره احسب حسابها السياره موديل 2000
بالنسبه للصرفيه اكيد لو انها 2012 اقلها تصرف كفرات وتلميع ساطع
انا مااقولك عادي ينصب عليك
انا اقولك الغلط منك مافحصتها وبرضو تدعي كل الدعاء عليه
ياخي لو تدري ايش محله يوم الحساب ولو تضلمه يرتد عليك
الان اللعن يطرد من رحمه الله ف مابالك الدعاء وبرضو رجال كبير عنده عيال
افحص السياره بنفسك لو يقولك جديده اقحصها
واقتنع فيها وتوكل على الله
مانتب ملحوق عشان تقولي مستعجل ابد لو تجلس6 ساعات معه ماكان شرط كان سلام
وبالتوفيق ,,
3
1
3
0
وبالنسبة للمكيف الخلفي يجي بلف في الثلاجة الخلفية قيمته في القديم تقريباً 150 ريال عند أقرب كهربائي وبإذن الله تزين الأمور
ولا تقولي مافيه ثلاجة ورا الجموس كلها ثلاجتين قدام في الطبلون ووراء الكفر الأيمن من موديل 1900 وخشبة ههههههههههههه
شيك على البلف عند كهربائي شاطر يمكن يكون قافل مع الغبار وتقبل مروري واحترامي
2
0
قبل 11 سنه و 10 شهر