أضف سؤال أو موضوع جديد          

انتبهو من نصب الشريطيه وعندي مشكله

up 10 down 2
الكاتم 1 149
قبل 8 سنه و 4 شهر



السلام عليكم ورحمة الله وبركاته 
يا اخوان انا شريت يوكن من الرياض ونصب علي شريطي الله لا يوفقه لا دنيا ولا اخره عساه للمرض الي يخليه يتمنا الموت لا يجيه 
المهم اتفقت معه على السعر وطلعنا ورحت ووديته للفحص كمبيوتر طبعا غلطتي اني خليته هو الي يوديني لمحل الكمبيوتر طلع متفق معه المهم 
المصري فحص وكان فيه لمت الاي بي اس شغاله قال هاذا حساس الاي بي اس الي قدام يمين يحتاج تغيير وفحصه المصري وقال نبي نطلع عليه نجرب الموتر والدبل وركبت انا قدام والمصري يسوق والشريطي ومعه عياله 2 صغار ورا انا قلت ابشغل المكايفات كلها اجربها وكان الجو عادي ماهو برد المهم شغلت الي قدام والخلفيات كلهن واخذ شوي قال بالله طف المكيف الي ورا خايف على الورعان من البرد ونا على النيه صدقته وطفيت الخلفيات وخليت الي قدام بس وكان الي قدام تبريده زين 
ورحنا وجربناه ورجعنا وسلت المصري عن لمبة عن لمبت حساس الاي بي اس قال زي ما قال لك الرجال الحساس الايمن قدام 
وسالته عن الكفرات متا مركبهن قال لهن 5 شهور جديدات 
والاستبنه جديده توي مركبها 
وقال الزيت لاتغيره توي مغيره والمهم تم وشريته ونقلته بالرياض ومن بكره مشيت للقصيم ويوم وصلت قلت ابغير الحساس وجيت الورشه قال ما يجي لحاله لازم كامل مع الفلنجه وسعرها 950 والمهم اخذتها وتركيبها 200 
ويوم ركبتها ماطفت المبه وفحصوه كمببوتر طلع جهاز الاي بي اس كله خربان وسعره 3700 على ما اعتقد 
والمكيف شغلته الي قدام بارد 
والي ورا حار بالمره يطلع هوا حار بس 
يوم كان يقولي طف المكيف عن الورعان نصاب ما يبيني ادري انه مايبرد 
المهم وبنشرت علي الكفره الخلفيه وجيت ابركب الاستبنه وعيت تنزل محجره وغير وديت نفس الكفره
للورشه وصلحتها وطلع تاريخها 2010 يعني لها سنتين
 يقول مركبها قبل 5 شهور النصاب 
وبعد ماصلحت الكفره رحت للورشه اشوف وش مشكلة الاستبنه ماتنزل 
طلع المكينه الي تشيل الاستبنه خربانه ومصديه لها حول 4 سنوات ما نزل والكفره قديمه 
والمكينه حقت الاستبنه غاليه بعد 

الزبده من الموضوع يا اخوان 
نصيحه اذا احد شرا سياره لا يخلي راعي السياره هو الي يوديه الفحص 
وثاني شي افحص اي شي لو انه عادي مثل الاستبنه 

وثال شي وزبده الموضوع ابي اسئلكم وش مشكلة المكيف الخلفي حار 
الي قدام ثلج لاكن الي وراح حار مره 
طبعا الموتر مابه ثلاجه ورا ولا قدام وموديله 2000 
الي يعرف المشكله لايبخل علي وكون شاكر له 

واسف على الاطاله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سبق وان قلت الشريطي العن من اليهودي وما صدقتوني ودك انك تدعسهم هالقطاوة اللي يتلقون الركبان الله يعوض عليك مافيه زي الجديد تفكه على يدك لو انه غاللي ولكن حيل الله اقوى ولا يضحك عليه شريطي


up 11 down 2
أبو عوض 2012 227
قبل 8 سنه و 4 شهر



ديس لايك من شريطي ههههههههه


up 10 down 0
ابوسلطان123123 251
قبل 8 سنه و 4 شهر



للمعلوميه " يطلعونها وكاله وتخبط المكاين ,
وسيارتك موديل 2000 
بس الغلط منك ماسقتها وفحصتها ولفلفت فيها 
عموما الخساره بالعمر مو بالمال ,
وبالمسبه للنصب ف هينه انشاء الله والله ييسر امرك ,
ناس راحت سياراتهم ولا لقوها 
لاتدعي بكل ذا الدعا على الرجال احس انه كثير عليها  ,
وسلام عليكم ,


up 5 down 8
ابو رايف 010 806
قبل 8 سنه و 4 شهر



يا اخوان نصيحة ،،،،اللي يبي يشتري سيارة عمرها اكثر من خمس سنوات لايعتمد على الفحص فقط ،،،افحص بمكان انت اللي تحدده اولا وخل معك خوي يعاونك اثناء الفحص ولا تعطي الشريطي وجه او تستحي تقول الرجال كبير،،وأهم شي امسك بالموتر خط أقل شي 25كم رايح و25كم جاي وجرب جميع السرعات اثناء المشي وترى راعي الموتر النظيف ما عنده مشكلة بالتجريب واللي يتهجج ويتعذر بالوقت اعرف انه شريطي يبي يصرف الموتر بخراباته بأغلى الاثمان وهو مشتريه بأبخس الاثمان الله يجعله يشرب من حميم جهنم


up 7 down 2
ابوعبدالمحسن123 531
قبل 8 سنه و 4 شهر



حسبي الله ونعم الوكيل

والله ما أعرف كيف الواحد يتهنأ بفلوس حرام ويؤكل عياله مال حرام


up 2 down 0
يزيد 955 588
قبل 8 سنه و 4 شهر



يا اخي الكريم السياره موديلها قديم وبيعي يظهر فيها بعض العيوب واحمد ربك ان العيوب ما كانت بالمكينه او القير او الشاص والباقي طبيعي وأقل من عادي فلا تدعي على الرجال لانه انشاء الله ما ظلمك ذاك الظلم والعيوب الموجوده صدقني طبيعيه جدا والحمد لله ان السياره ودتك من الرياض للقصيم يعني السياره موب بطاله
اقسملك بالله اني توني جاي من الورشه اليوم وصارف فوق 6000 ريال على سيارتي لان موديلها قديم 2001 وطبيعي تطلب بعضالقطع وبها خرابات وتذكر ان القناعه كنز والخساره بالعمر وليست بالمال وفقك الله


up 6 down 4
فارس الجبيل 99
قبل 8 سنه و 4 شهر



غريبة: انا سعودي والله فيه مصريين امناء وطيبين وفيهم شرفاء وفيهم الحرامية
وفيه سعوديين نصابين ومايخافوا الله ومهايطية ودك تدعس بالجزمة عليه وفيه طيبين ويخافوا الله 
فلا تعمم ترى بتكسب ذنبهم ولاتعمم 


up 6 down 6
ابو عبدالله احمد 3511
قبل 8 سنه و 4 شهر



انا قلت كذا وعطوني ديس لايك = كثرو منه الله لايهينكم 

الخساره بالعمر \ العيوب الضاهره احسب حسابها السياره موديل 2000
بالنسبه للصرفيه اكيد لو انها 2012 اقلها تصرف كفرات وتلميع ساطع 

انا مااقولك عادي ينصب عليك 
انا اقولك الغلط منك مافحصتها وبرضو تدعي كل الدعاء عليه 
ياخي لو تدري ايش محله يوم الحساب ولو تضلمه يرتد عليك
الان اللعن يطرد من رحمه الله ف مابالك الدعاء  وبرضو رجال كبير عنده عيال 

افحص السياره بنفسك لو يقولك جديده   اقحصها 
واقتنع فيها وتوكل على الله  
مانتب ملحوق عشان تقولي مستعجل  ابد لو تجلس6 ساعات معه   ماكان شرط كان سلام 

وبالتوفيق ,,


up 3 down 1
ابو رايف 010 806
قبل 8 سنه و 4 شهر



والله لا مصريها ولا سعوديها كلهم ... او اي حنسيه ..ما دامه شريطي فذمه وسيعه...حتى لو هو قريب ..بيلزخ في ظهر الزبون .. مادامه شريطي فهو سلوقي ارقرط . فحذروووووهم


up 3 down 0
oo8m8oo 202
قبل 8 سنه و 4 شهر



الله يعوض عليك

وبالنسبة للمكيف الخلفي يجي بلف في الثلاجة الخلفية قيمته في القديم تقريباً 150 ريال عند أقرب كهربائي وبإذن الله تزين الأمور

ولا تقولي مافيه ثلاجة ورا الجموس كلها ثلاجتين قدام في الطبلون ووراء الكفر الأيمن من موديل 1900 وخشبة ههههههههههههه

شيك على البلف عند كهربائي شاطر يمكن يكون قافل مع الغبار وتقبل مروري واحترامي


up 2 down 0
أبو تمام 1 247
قبل 7 سنه و 6 شهر