وين افضل توضيب للقير التماتيك ؟ والكلتشات الرياضية ؟

ماينفع لك ينتع السياره مع كل نمره لانه يعطيك سرعه تعشيق

الصناعية القديمة عندك
شلنجر - ديسكول - ترايستار - جيركو

بيض الله وجيهكم

للفائدة تم المرور على اغلب محلات التوضيب

ووجدت الغالب يركب قطع مو اصلي قيمتها كامله 480 ريال
او 680 ريال شبيه للاصلي .

لكن وجدت اناس ما يركبون الطقم كامل يعني يفك القير ويغير الكلتشات الخربانه فقط . ووجدت ناس توضب القير بالف واربع مية في صناعية العويضة وبدون ضمان 1000 ريال . ويقول لك نفس الشغل . ويزيد خمس مية عشان الضمان !!!

ووجدت عند بعض التشاليح اللي تجيب القطع الامريكية مع التركيب من 2500 الى اربع الاف ..

على العموم الظاهر بركب منهم والله يعين وشكرا للجميع

تم تركيب قير استخدام امريكي من الغفيلي بالصناعية القديمة بالرياض وضمان شهر وخرب بعد الضمان بيومين ورجعت لهم وركبوا لي ثاني والان له شهرين والله يستر ويتمم

دعواتكم

ولله الحمد الامور تمام والقير الجديد له سنة وخمس اشهر 100%

الله يوفقك ياخوي على تحديث المشكلة نتائج حلها

أحسنت أبو عبدالوهاب ع تحضر فكرك وموافاتنا بالنتائج 

جعلها دوووم يارب ايجابية

بس الله الله بالزيت 

ابو عبد الوهاب وش صار الان 

اسعد الله مساكم ولي الشرف بالمرور على موضوعكم الجميل وعجبني الاخ اللي حط تحديث عشان كذا بفيدكم بتجربتي 
عندي لينكون 2006 تاون كار اللي هو نفس المركيز والفكتوريا 
والقير ع وشك تخبيط ويوم جيت بوضبه رياضي اكتشفت انه ماينفع نهائيا تاخذ قطع من السعوديه لانه مافي الا بالوكاله وبالوكاله سعر الكلتشات لحالها 2000 ريال 
ب اضطريت اطلب القطع بنفسي من امريكا بطيخه او طنجره رياضيه تفتح من 2400 ار بي ام بدل حقت الوكاله اللي تفتح من 4000 ار بي ام 
ب 1539 ريال و طقم كلتشات رياضيه رايبوتوتس مع حزامين وفلتر ب1150 ريال واخيرا ترانزقو ستيج 2 ب509 ريال وباقي القطع تجي من امريكا والتركيب عند جيركو بالصناعيه القديمه ب1000 ريال ونسال الله البركة ....