اللي له خبره بالمستعمل يساعدني

^ 
أخوي مأودي اوديه الفحص علطول  واتخسر فيه طرق تفحصه فحص مبدئي وسوف يستاهل وا ا 

و ا ا = ولا لا”

في البداية وقف الموتر في الشمس وتفحص البودي 
(باب الشنطة والبيبان الخلفية والسواق والراكب والتندة والبطاين الداخلية في الكبوت)

وبتحصل اثار البوية والمعجون اذا كان فيه رش او سمكره 
اذا كان البودي يتموج وماهوب صافي هذا رش 

حاول تتفحص حافات الابواب والكبوت والرفارف لأن الرش يبقي أثر على شكل الحبوب الصغيرة
ستلاحظها باللمس واذا صار فيه رش بتحصل خشونه بتلاحظها

وبعدين خذ به تجربه ميدانية على طريق طويل وحاول تدعس وتمس الموتر أكثر من مره عشان تتفحص تغييرات الجير 
وأداء المكينه

واذا انت مالك في هالامور أنصحك بفحص الغروب في النسيم صحيح بتدفع 500 ريال لكن بينخلون لك الموتر نخل 
وبيعطونك العلم الصحيح 

ونصيحة 
مادامك بتدفع فيه مبلغ وقدره لا تستخسر 500 ريال 

بالتوفيق

نسيت اقول اذا انت في الرياض رروح للغروب 
والخطوات البسيطة الي قلتها بتبين لك الموتر وشو من لحية 

شوف بالنسبة للجربوكس.

ابعطيك خبرتي البسيطة فيه .

عشق السيارة اذا حسيت فيه هزة في السيارة (إلى الأن تمام)
بعدها امسك خط وعطها الى الصاجة وشوف تعشيقات القير اذا حسيت انه طول في ترس او طريقة التعشق بطيئة فلازم تشيك عليه لان احتمال احدى الحساسات مضروبة .

في النهاية اؤؤيد كلام اخوي nssc لاتستخسر 500 ريال في نفظ السيارة

افحصه يالغالي وخل بينكم شرط اذا طلع في الموتر شي هو يتحمل قيمة الفحص
وأذا شفته متردد هج عن موتره 

وديه اي محل ثاني غير الجميح بالفحص عشان يمكن يكون له معارف هناك مو هو المدير 

مشكور اخواني على معاونتكم لي وآنا بفحص الموتر على خبرت اللي بالنت والنصائح واذا تستأهل بوديها مركز الغروب بالنسيم يفحصونها 

مركز الغروب بالنسيم احسن من ساسكواللى بالشفا

ويكون مدير الجميح




هذي ما فهمتها ؟

بعدين نصيحة لوجه الله ابعد عن مركز الغروب كل الشريطية ينصحون انك تروح له والشريطي ما ينصح من عبث ؟؟؟ نصابين رح للبريدي واتحدى احد يشكك فيه قال ايش الغروب

^ 
يعني راعي السياره يكون مدير الجميح وكبير بالعمر 

والله مدري  ناس  تقولي رح النسيم للغروب وناس تقولي اي مركز 

الجموس الان مرتفع لو تشوف اكسبديشن افضل وكاله ب115 وعملي وراحه