مشورتكم في سوبربان 2007

الجمس غني عن التعريف بس اهم شيء النظافه 
ويفضل تأخذ موديل 2009 لأنه صار القير 6 نمر بدل 4 
واما الدينالي فهو 6نمر من  2007 

والله يكتب لك اللي فيه الخير 
ومبرووووك مقدماً

الجمس سياره ماينخاف منها
سياره كد ومد ,, جاري كان يلخبط في السيارات
مره جيب تويوتا قديم ,, بعدين جيب سوزوكي ,, اخر شي اشترى جمس 2002 وماشاءالله ماشي معاه للحين له خمس سنوات

دور النظيف واستخير وتوكل

بيض الله وجيهكم  كان ودي اخذ من 2009 وفوق  لكن الماديات شوي والا الجمس معروف بس اسأل عن السوبر الشفر ويعطيكم العافيه 

الجمس النظيف طيب بغض النظر عن الموديل وللمعلومية قير 2007 مثل الشكل الي قبله واكثر الي يواجهون مشاكل

بالغالب راعين حرق وتطعيس وجور .. وتركيب المبرد يغنيك عن المشاكل كثير

وللمعلومية صيانه وتوضيب قير 4 نمر اسهل وارخص بكثير من قير 9 نمر وموفق ان شا ءالله

اخوي اهم شي تفحص قبل لاتشري فحص كل شي مكينه قير جربكس بودي
وتجرب السياره اول
انا معي 2007 سوبربان بالسفر مريح جدا وللعائله مناسب وسع وراحه
وفالك التوفيق ان شاء الله

يعطيكم الف عافيه ما قصرتم اجل نفحص ونتوكل على الله ولا هنتم جميع 

٢٠٠٧.  فيه انواع. اقصد. فيه بيعات جيده
مثلا 
١/ في حفر الباطن كان هناك شركه مسويه مزاد.   فيه واحد يشتري اللي ماشيه فوق ٣٠٠ الف كم وبسعر رخيص
سأله ولد عمي وهو يعرفه.   ليش.  قال يبوي انزل العداد وب ٥٠٠ تلميع وابيع بمكسب ممتاز.  حسيبه ربي
لاتطيح بمثله
٢/ فيه الطبيعي اللي يستخدمه للمدينه والسفر. ولايهتم منه.  وهذا معقول. ممكن تعيد صياغته
٣/ فيه اللي اتمنى انك تاخذه.    حاطه في بايكه.    ويغير في الوكاله.  ومحافظ عليه
لكن يبي يجدد.      هذا لو تفرق ١٠٠٠٠ منت خسران
والا الجمس موتر.     لكن ابحث عن النظيف

من رأيي بهالوقت إذا معك موتر يمشيك وتعرف وش حطيت فيه وتعرف وش يبيله 

...  أصبر عليه الين ربي يرزقك  وتشتري  وكالة 

إذا الموتر اللي معك أموره ماشية و البيع عشان التغيير فقط 
فأرى إما تشتري جديد و هذا ذكرت إنه  ماعندك استطاعة ولا خلك على موترك أحسن من تطب لك بموتر مدمور 
لأن 2007 قديم له 10 سنوات في الخدمة و صعب تحصل النظيف و سعره مقبول 

يا خوي 2007 قريب ل 2006 تحت الكبوت. ضبط موترك احسن من انك تطيح في موتر ما تعرف خراباته